မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်၌ ၂၀၂၄ခုနှစ်၊ ဩဂုတ်လ(တတိယပတ်)တွင် (နွေ)ကြက်သွန်နီ(လှောင်ရာသီ)ကုန်ဆုံးချိန်နီး၍ ကြက်သွန်နီဈေးကွက်သို့ ကုန်ချိန်ပိဿာဝင်ရောက်မှုများလာကြောင်း၊ ဆိပ်ဖြူဒေသတွင်းကျေးရွာအနှံ့အပြားနှင့် ပွင့်ဖြူ၊ စလင်း၊ တညောင်မြို့နယ်အတွင်းရှိ ကျေးရွာများမှ ကုန်ချိန်အများအပြားဝင်ရောက်လျက်ရှိပြီး ပွဲရုံဈေးကွက်သို့ ကြက်သွန်နီကုန်ချိန်ပိဿာ(၃)သောင်းမှ ပိဿည(၁)သိန်းထိ တစ်ပတ်အတွင်း စုစုပေါင်းပိဿာ(၄)သိန်းခန့်ဝင်ရောက်ကြောင်း ဈေးကွက်မှသိရှိရသည်။
ဈေးနှုန်းဈေးကွက်အနေဖြင့် ဩဂုတ်လ(တတိယပတ်)တွင် ကြက်သွန်နီ(ဂျွန်) ထိပ်စအမြင့်ဈေး တစ်ပိဿာလျှင် ကျပ်(၂၁၀၀ မှ ၁၈၀၀)၊ အလတ်စ ကျပ်(၁၉၀၀ မှ ၁၇၀၀)၊ အသေးစ ကျပ်(၁၆၀၀ မှ ၁၅၀၀)ဖြင့် အရောင်းအဝယ်ဖြစ်ပြီး (ဒုတိယပတ်)တွင် ကြက်သွန်နီထိပ်စ အမြင့်ဈေး တစ်ပိဿာလျှင် ကျပ်(၁၈၀၀ မှ ၁၆၀၀)၊ အလတ်စ ကျပ်(၁၇၀၀ မှ ၁၆၅၀)၊ အသေးစ ကျပ်(၁၅၀၀ မှ ၁၄၀၀)ဈေးဖြင့် အရောင်းအဝယ်ဖြစ်ခဲ့ကြောင်း၊ ယခင်အပတ်နှင့်နှိုင်းယှဉ်ပါက ကြက်သွန်နီတစ်ပိဿာလျှင် ကျပ်(၂၀၀) ဈေးတက်ပြီး အရောင်းအဝယ်ဖြစ်ကြောင်း၊ ပွဲရုံမှတစ်ဆင့် အရည်အသွေး၊ အရွယ်အစားအလိုက် သန့်စင်ပြီး ကြက်သွန်နီများကို တစ်ပိဿာလျှင် ကျပ်(၂၄၀၀-၂၀၀၀)လက်ကားဈေးဖြင့် ဒေသအနှံ့အပြားသို့ဖြန့်ဖြူးလျက်ရှိကြောင်း၊ ဈေးတက်ရခြင်းမှာ ပြည်ပအဝယ်လိုက်၍ ဈေးနှုန်းမြင့်တက်ခြင်းဖြစ်ကြောင်းသိရှိရပါသည်။
ကုန်စည်စီးဆင်းမှုအနေဖြင့် ရန်ကုန်ဘုရင့်နောင်ပွဲရုံ၊ ပြည်၊ ပုသိမ်မြို့နှင့် မော်လမြိုင်၊ မြဝတီမြို့များမှတစ်ဆင့် ထိုင်း၊ ဗီယက်နမ်နိုင်ငံများသို့တင်ပို့လျက်ရှိပြီး ဩဂုတ်(တတိယပတ်)တွင် ဆိပ်ဖြူမြို့မှ ကြက်သွန်နီကုန်ချိန်ပိဿာ (၄)သိန်း၊ တန်ချိန်အားဖြင့်(၆၅၃)တန်ခန့် တွဲကား၊ (၁၂)ဘီး၊ (၆)ဘီးမော်တော်ယာဉ်များဖြင့် ကုန်စည်စီးဆင်းခဲ့ကြောင်း ဈေးကွက်မှသိရှိရပါသည်။
DOCA(မကွေး)