ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် အင်းမ တာကောက်ကျေးရွာ ဖျာပုံ- မအူပင်-ရန်ကုန်လမ်းမပေါ်တွင် မြင့်မြတ်သူငါးရှဥ့်ရောင်းဝယ်ရေးလုပ်ငန်းရှိသည့်အတွက် ငါးရှဥ့်ရောင်းဝယ်နေမှု အခြေအနေများကို (၂၄.၈.၂၀၂၄)ရက်နေ့၊ နေ့လယ် (၁၃:၀၀)နာရီက ရောင်းဝယ်မှုအခြေအနေကို သွားရောက် လေ့လာခဲ့ကြသည်။
မအူပင်မြို့နယ်တွင် ကျေးရွာအုပ်စု (၇၆)အုပ်စုရှိသည့်အနက် ရေလဲ၊ ရွှေတောင်မှော်၊ စစ်ချောင်း၊ နတ်စဉ်၊ ငါးဖားအိုင်၊ စသည့် ကျေးရွာအုပ်စုများသည် ချောင်း၊ မြောင်း၊ အင်းအိုင်နှင့် ကွင်းရေများ ပေါများသည်။ ယခုလို မိုးတွင်းကာလ သမယတွင် ငါးရှဥ့်များစွာ ဖမ်းစီးရရှိနိုင်ကြောင်း မြင့်မြတ်သူ ငါးရှဥ့်ရောင်းဝယ်ရေး ဒိုင်ပိုင်ရှင်၏ ပြောပြချက်အရသိရှိရပြီး ငါးရှဥ့်များကို တစ်နှစ်ပတ်လုံး ဝယ်ယူရရှိပြီး တန်ခူး၊ ကဆုန်လများတွင် ငါးရှဥ့်ကုန်ချိန် ဝယ်ယူရရှိမှု နည်းပါးပြီး ကျန်လများတွင် ပိုမိုဝယ်ယူရရှိကြောင်း လေ့လာသိရှိရပါသည်။
ငါးရှဥ့်လာရောက်ရောင်းချသူများသည် အနည်းဆုံး တစ်နေ့လျှင် ၅၀ ပိဿာမှ အများဆုံး ၁၈၀ ပိဿာအထိ လာရောက်ရောင်းချကြပါသည်။ ယခင်နှစ်များက ငါးရှဥ့်ကို အမျိုးအစား၊ အတန်းအစားခွဲ၍ ဝယ်ယူပြီး ယခုနှစ်များတွင်အမျိုးအစားအခွဲခြားပဲ ဝယ်ယူပြီး ရန်ကုန်ဈေးကွက် သို့တင်ပိုနေကြောင်း၊ ငါးရှဥ့်တစ်ပိဿာလျှင် ၁၄၀၀၀/-ကျပ်၊ ၁၅၀၀၀/- ကျပ်ဖြင့် ဝယ်ယူပါသည်။ ဝယ်ယူရရှိသော ငါးရှဥ့်များကို ရန်ကုန်ဈေးကွက်သို့ ၁၆၀၀၀/- ဈေးဖြင့် ကုန်ချိန်များသည့်အခါ နေ့ချင်းပို့ပါသည်။ မအူပင်မြို့နယ်တွင် ငါးရှဉ့်ရောင်းဝယ်ရေး ၁၀ဒိုင် ခန့်ရှိပြီး ရန်ကုန်သို့ တင်ပို့ရောင်းချနေကြောင်း သိရပါသည်။
DOCA(ဧရာဝတီ)