စားသုံးသူရေးရာဦးစီးဌာနအနေဖြင့် စားသုံးသူအခွင့်အရေး ပြည့်ပြည့်ဝဝရရှိရေး၊ စားသုံးသူအခွင့်အရေးနစ်နာဆုံးရှုံးမှုများအား စားသုံးသူကာကွယ်ရေးဥပဒေနှင့်အညီ ကာကွယ်ပေးနိုင်ရေးအတွက် စားသုံးသူကာကွယ်ရေးဥပဒေ ၂၀၁၉ပါ ပြဌာန်းချက်များအား စားသုံးသူပြည်သူများ ပိုမိုသိရှိလာစေရန်ရည်ရွယ်ပြီး စားသုံးသူကာကွယ်ရေးဆိုင်ရာ အသိပညာပေးဟောပြောပွဲများကို ရပ်ကွက်/ ကျေးရွာများ၊ ကျောင်းများ၊ အဆင့်မြင့်တက္ကသိုလ်များနှင့် ဌာနဆိုင်ရာများသို့ သွားရောက်ဟောပြောခြင်းများ ဆောင်ရွက်သကဲ့သို့ ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပူးပေါင်း၍လည်း Online Talk Show အစီအစဉ်မှတစ်ဆင့် ဟောပြောပွဲများ ဆောင်ရွက်လျက်ရှိရာ စားသုံးသူရေးရာဦးစီးဌာန၊ ပြည်မြို့နယ်တာဝန်ခံ ဦးထွန်းနိုင်လင်းသည် (၂၇.၈.၂၀၂၄)ရက်နေ့ နေ့လည်(၁၃:၀၀)နာရီအချိန်တွင် ပြည်ခရိုင်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံး ရိုက်ကူးရေးခန်းမတွင် ကျင်းပပြုလုပ်သည့် Online Talk Show အစီအစဉ်တွင် စားသုံးသူပြည်သူများအနေဖြင့် Online Shopping ဖြင့် ဈေးဝယ်ရာတွင် ဆောင်ရန်/ ရှောင်ရန်များနှင့် ပတ်သက်၍ အသိပညာပေး ဆွေးနွေးခဲ့ကြောင်း သိရှိရပါသည်။
DOCA(ပဲခူး)