စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူ ကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါ ဆောင်ရွက်လျက်ရှိရာ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်၊ တပ်ကုန်းကျေးရွာတွင် တစ်နိုင်တစ်ပိုင်အနေဖြင့်လည်းကောင်း၊ မိသားစုစားဝတ်နေရေးအပိုဝင်ငွေရရှိရန် ခရမ်းသီးပင်ကို မြေအောက်ရေတင်စနစ်ဖြင့် စိုက်ပျိုးကြကြောင်းသိရှိရပါသည်။
ခရမ်းပင်ကို ယာမြေများတွင်စိုက်ပျိုးရန် အကောင်းဆုံးအချိန်မှာ ပြာသိုလဖြစ်ပြီး တစ်ကျင်းလျှင် (၁) ပင်နှုန်းဖြင့် ဧကတစ်ဝက်လျှင် အပင်ရေ (၅၀၀)ခန့် မြေအောက်ရေတင်စနစ်ဖြင့်စိုက်ပျိုးထားကြောင်း၊ မျိုးစေ့ဖိုး၊ မြေပြုပြင်ခ၊ ဓာတ်မြေဩဇာနှင့် ရေသွင်းခြင်းတို့အတွက် စုစုပေါင်းကုန်ကျစရိတ်မှာ ကျပ်(၂၅၀၀၀၀)ကျော်ကုန်ကျကြောင်း၊ တပေါင်းလတွင် စတင်ခူးဆွတ်ကာ တစ်ခါခူးဆွတ်လျှင် (၁၂) ပိဿာမှ (၁၅) ပိဿာအထိ ၂/၃ ရက်ခြားတစ်ကြိမ် ခူးဆွတ်ရကြောင်းသိရှိရပါသည်။
ခရမ်းသီးပင်သည် မိသားစုဝင်ငွေရရှိရန် စိုက်ပျိုးသင့်သောသီးနှံပင်ဖြစ်၍ ယခု ၂၀၂၄ခုနှစ်၊ စက်တင်ဘာလ၊ ပထမအပတ်တွင် ခရမ်းသီးဈေးနှုန်းများအနေဖြင့် ခရမ်းသီးတစ်ပိဿာလျှင် (၂၀၀၀/ ၂၃၀၀) ကျပ်၊ ခရမ်းသီး (၂၅)ကျပ်သားလျှင် (၆၀၀)ကျပ်တို့ဖြင့်ရောင်းချလျက်ရှိကြောင်းသိရှိရပါသည်။
DOCA(စစ်ကိုင်း)