ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်နှင့် ဒေးဒရဲမြို့နယ်များရှိ မြို့နယ်တာဝန်ခံများသည် မိမိတို့မြို့နယ်အလိုက် ဈေးကွက်အတွင်း စားအုန်းဆီရောင်းချနေမှုအခြေအနေများအား ၂၀၂၄ခုနှစ်၊ စက်တင်ဘာလ (၃) ရက်နေ့၊ နံနက် (၁၀:၀၀) နာရီအချိန်တွင် ဌာနဆိုင်ရာအဖွဲ့များနှင့်ပူးပေါင်း၍ ကွင်းဆင်းစစ်ဆေးခဲ့ကြပါသည်။
အဆိုပါကွင်းဆင်းစစ်ဆေးမှုတွင် မြို့နယ်တာဝန်ခံများက အရောင်းဆိုင်များ၌ ကိုယ်စားလှယ်ဖြန့်ဝေပေးသည့် ဈေးနှုန်းအပေါ် ပြန်လည်ရောင်းချသည့် ဈေးနှုန်းဆိုင်းဘုတ်များချိတ်ဆွဲရောင်းချမှုရှိ/မရှိနှင့် ပြင်ပပုံးဆီများဝယ်ယူပြီး ရောင်းချသည့် ဈေးနှုန်းဘောက်ချာများကိုစစ်ဆေးခဲ့ကြသည်။ အရောင်းဆိုင်များအနေဖြင့် အလေးချိန်၊ အချင်အတွယ်ပြည့်ဝမှုရှိ/မရှိနှင့် ဈေးကစားရန်ရည်ရွယ်ချက်ဖြင့် သိုလှောင်ခြင်းနှင့် မသမာသည့်လုပ်ဆောင်မှုများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း သတင်းရရှိပါသည်။
DOCA(ဧရာဝတီ)