မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် ခရမ်းချဉ်သီးကို သရက်မြို့၊ တောင်တွင်းကြီးမြို့၊ မင်းဘူးမြို့၊ မကွေးမြို့နှင့် ရှမ်းပြည်နယ် တောင်ကြီးမြို့တို့မှ အများဆုံးမှာယူရောင်းချကြောင်း သိရသည်။
ဇေယျာသီရိဈေးအတွင်း ယခုအချိန်တွင် မကွေးမြို့နှင့် တောင်တွင်းကြီးမြို့တို့မှ ခရမ်းချဉ်သီးများ အများဆုံးဝင်ရောက် အရောင်းအဝယ်ဖြစ်လျက်ရှိပြီး ၎င်းဒေသများရှိ ခရမ်းချဉ်သီးစိုက်ခင်းများ လှိုင်လှိုင်ထွက်ရှိလျက်ရှိသောကြောင့် ဈေးနှုန်းမှာကျဆင်းရခြင်းဖြစ်ကြောင်း၊ ၂၀၂၄ခုနှစ်၊ စက်တင်ဘာလ (ပထမပတ်)တွင် အလုံးကြီး(၁)ပိဿာလျှင် ကျပ်(၂၀၀၀)၊ အလုံးလတ်(၁)ပိဿာလျှင် ကျပ်(၁၈၀၀-၁၅၀၀)ဈေးဖြင့် အရောင်းအဝယ်ဖြစ်လျက်ရှိကြောင်း၊ ယခင်ဩဂုတ်လ(စတုတ္ထပတ်)နှင့်နှိုင်းယှဉ်လျှင် ကျပ်(၃၀၀ မှ ၅၀၀)ဈေးနှုန်းကျဆင်းလာကြောင်း သိရပါသည်။
DOCA(မကွေး)