ပုသိမ်ခရိုင်၊ သာပေါင်းမြို့နယ်၊ ဆီလက်လီအရောင်းဆိုင်များနှင့်တွေ့ဆုံဆွေးနွေးခြင်း

        ပုသိမ်ခရိုင်၊ သာပေါင်းမြို့နယ်၊ မြို့နယ်တာဝန်ခံသည် ၁၆-၉-၂၀၂၄ ရက်နေ့၊ နေလယ် (၁၃:၀၀) နာရီအချိန်တွင် ဆီကိုယ်စားလှယ် (၂) ဦး၊ ဆီလက်လီအရောင်းဆိုင်လုပ်ငန်းရှင် (၁၄) ဦးတို့နှင့်တွေ့ဆုံပြီး မြို့ပေါ်လက်လီအရောင်းဆိုင်များမှ ရပ်ကွက် ၁၊ ၂၊ ၃ အိမ်ထောင်စု (၂၀၀၀) အား အိမ်ထောင်စု (၁) စုလျှင် (၁.၅၀) ပိဿာနှုန်းဖြင့် လစဉ်သတ်မှတ်ရည်ညွှန်းဈေးအတိုင်း ကုမ္ပဏီမှထုတ်ပြန်ထားသည့် စည်းကမ်းချက်များနှင့်အညီရောင်းချစေရန်၊ ဆီစာအုပ်များထွက်ရှိလာပါက စာအုပ်စည်းကမ်းချက်များအတိုင်း ရောင်းချပေးရန်အတွက် စာအုပ်ပါစည်းကမ်းချက်များအား ဖတ်ပြရှင်းလင်းခြင်းနှင့် စည်းကမ်းချက်များလိုက်နာမှုမရှိခြင်း၊ ရည်ညွှန်းဈေးအတိုင်းရောင်းချခြင်းမရှိပါက အရေးကြီးကုန်စည်နှင့် ဝန်ဆောင်မှုဥပဒေအရ ဆောင်ရွက်မည်ဖြစ်ကြောင်း ပြောကြားခဲ့ပါသည်။

DOCA(ဧရာဝတီ)