စားသုံးသူရေးရာဦးစီးဌာန၊ ညောင်တုန်းမြို့နယ်တာဝန်ခံရုံးမှ ဦးအောင်လွင်၊ မြို့နယ်ဦးစီးမှူးသည် (၁၉-၉-၂၀၂၄)ရက်နေ့၊ နံနက်(၁၀:၀၀)နာရီအချိန်တွင် ညောင်တုန်းမြို့ အွန်လိုင်းရောင်းချသူ လုပ်ငန်းရှင်(၁၀)ဦးအား မြို့နယ်အထွေထွေအုပ်ချုပ်ရေးဦးစီးမှူးရုံးအစည်းအဝေးခန်မသို့ဖိတ်ကြား၍ အွန်လိုင်းမှတ်ပုံတင်ခြင်းနှင့်စပ်လျဉ်း၍ အသိပညာပေးဆွေးနွေးဟောပြောခြင်းပြုလုပ်ခဲ့သည်။
ထိုသို့ဆွေးနွေးရာဟောပြောရာ၌ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနလက်အောက်တွင် ဦးစီးဌာန ၄ခုရှိကြောင်းနှင့် စားသုံးသူရေးရာဦးစီးဌာန၏ စားသုံးသူကာကွယ်ရေး လုပ်ငန်းစဉ်အကြောင်းကိုလည်းကောင်း၊ စားသုံးသူအခွင့်အရေးနှင့် တာဝန်များအကြောင်းကိုလည်းကောင်း၊ အွန်လိုင်းဖြင့် ကုန်စည်ဝယ်ယူမှုနှင့် စားသုံးသူထိခိုက်နစ်နာမှုကိစ္စရပ်များဖြစ်ပေါ်နေ၍ ဥပဒေအနေဖြင့် ကာကွယ်ဆောင်ရွက်လျက်ရှိပြီး အွန်လိုင်းပလက်ဖောင်းတွင် ဖြစ်ပေါ်နေမှုများကို ထိန်းကြောင်းသည့်အနေဖြင့် အွန်လိုင်းမှတ်ပုံတင်ပြီးမှသာ ကုန်စည်နှင့် ဝန်ဆောင်မှုများရောင်းချရမည်ဖြစ်ကြောင်းကို ရှင်းလင်းပြောကြားခဲ့သည်။
အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးကုန်စည်နှင့် ဝန်ဆောင်မှုအဓိပ္ပါယ်၊ လုပ်ငန်းဆောင်ရွက်ခြင်း၏ ရည်ရွယ်ချက်၊ အရေးကြီးကုန်စည်နှင့် ဝန်ဆောင်မှုလုပ်ငန်းအကြောင်းကိုလည်းကောင်း၊ ပြစ်မှု၊ ပြစ်ဒဏ်အကြောင်းကိုလည်းကောင်း၊ ဆင့်ပွားဈေးကွက်ဖြန့်ချိရေးလုပ်ငန်းတားမြစ်ခြင်း၊ စပါးဆန်နှင့် ပဲမျိုးစုံကြိတ်ခွဲစက်များတည်ဆောက်ခြင်း၊ မှတ်ပုံတင်ခြင်း၊ ပြောင်းရွှေ့ဖျက်သိမ်းခြင်းဆိုင်ရာအမိန့်အကြောင်း၊ ကုန်စည်များအပေါ် တားမြစ်ထုတ်ပြန်ခြင်းကိုလည်းကောင်း၊ ဝါဂွမ်းတို့အပေါ် တားမြစ်ထုတ်ပြန်ခြင်း၊ အွန်လိုင်းစနစ်ဖြင့် ရောင်းချခြင်းလုပ်ငန်း၊ အရေးကြီးကုန်စည်၊ ဝန်ဆောင်မှုလုပ်ငန်းအဖြစ် သတ်မှတ်သည့်အမိန့်ကို အကျယ်တဝင့်ရှင်းလင်းဆွေးနွေးပြီး လုပ်ငန်းရှင်များအနေဖြင့် သတ်မှတ်ထုတ်ပြန်ချက်များကို လိုက်နာဆောင်ရွက်ခြင်းမရှိပါက အနည်းဆုံး ထောင်ဒဏ် ၆လမှ ၃နှစ်အထိချမှတ်နိုင်သည့်အပြင် ကျပ်၅သိန်းထက်မပိုသော ငွေဒဏ်ချမှတ်တိုင်ကြားနိုင်ကြောင်း၊ ပြစ်မှုနှင့်သက်ဆိုင်သည့် သက်သေခံပစ္စည်းများကို နိုင်ငံတော်ဘဏ္ဍာ အခြားစီမံခန့်ခွဲနည်းဖြင့် ချမှတ်နိုင်သည့်အကြောင်း၊ အရေးယူပိုင်ခွင့်အကြောင်းကိုရှင်းလင်းခဲ့ပြီး မေးမြန်းမှုကိုလည်း ပြန်လည်ရှင်းလင်းဆွေးနွေးခဲ့ကြောင်းသိရှိရပါသည်။
DOCA(ဧရာဝတီ)