စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးတွင် ကွန်ပျူတာအဆင့်မြင့်သင်တန်းအား (၂၃-၉-၂၀၂၄)ရက်နေ့မှစတင်၍ ဖွင့်လှစ်သင်ကြားခဲ့ပါသည်။ သင်တန်းဖွင့်ပွဲအခမ်းအနားအား စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူး ဦးကျော်ကျော်လွင်နှင့်တကွ အရာထမ်း၊ အမှုထမ်းများတက်ရောက်ခဲ့ကြပြီး အခမ်းအနားစတင်ချိန်တွင် ရန်ကုန်တိုင်းဒေသကြီးဦးစီးမှူး ဦးကျော်ကျော်လွင်က အဖွင့်အမှာစကားပြောကြားခဲ့သည်။ သင်တန်းဖွင့်လှစ်ရသည့် ရည်ရွယ်ချက်မှာ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် မိမိတို့ဝန်ထမ်းများ၏ လူ့စွမ်းအားအရင်းအမြစ်များဖွံ့ဖြိုးတိုးတက်ရေးအတွက် ဝန်ထမ်းများ ကွန်ပျူတာကျွမ်းကျင်စွာအသုံးပြုတတ်မြောက်စေရန်အတွက်ဖြစ်သည်။ ကွန်ပျူတာသင်တန်းကို သင်တန်းသူ/ သင်တန်းသား ၁၀ဦးနှင့်တကွ စိတ်ပါဝင်စားသူများလည်းပါဝင်တက်ရောက်ခဲ့ကြပြီး သင်ကြားပို့ချမည့် ဘာသာရပ်များအနေဖြင့် Advance Excel , Photoshop နှင့် PC Maintenance တို့ဖြစ်ပါသည်။
DOCA(ရန်ကုန်)