မိတ္ထီလာဈေးကွက်တွင် စက်တင်ဘာလနောက်ဆုံးပတ်၌ ကြက်သွန်နီဈေးငြိမ်နေသော်လည်း နယ်ဝေးတင်ပို့မှု ပိုလာကြောင်း သိရသည်။ မိတ္ထီလာဈေးကွက်အနေနှင့် ရန်ကုန်၊ပဲခူး၊တာချီလိတ်၊မော် လမြိုင်မြို့များသို့ ပြည်တွင်းဝယ်လက်များ ပုံမှန်ရှိပြီး ပြည်ပဈေးကွက်အနေနှင့် တရုတ်သို့ တာချီလိတ် လမ်းကြောင်းမှလည်းကောင်း၊ထိုင်းသို့မော်လမြိုင်၊မြဝတီလမ်းကြောင်းမှလည်းကောင်း တင်ပို့လေ့ရှိရာ စက်တင်ဘာလ စတုတ္ထပတ်တွင် ဗီယက်နမ်ဝယ်လိုအားရှိသည့်အတွက် ရန်ကုန်မှတဆင့် သင်္ဘောဖြင့် တင်ပို့မှုုမှ ဝယ်လိုအားရှိကြောင်း သိရသည်။ တစ်ပတ်အတွင်း မိတ္ထီလာမြို့မှ ပဲခူးသို့(၆)ဘီးကား(၄)စီးဖြင့် ကုန်ချိန်(၁၄၀၀၀)ပိဿာဝန်းကျင်ကို အခြားကုန်များနှင့်ရော၍ တင်ပို့ရာကုန်တင်ခမှာ တစ်ပိဿာ (၂၀၀) ရှိပါသည်။ တာချီလိတ်သို့(၁၂)ဘီးကား(၄)စီးဖြင့် ကုန်ပိဿာ(၄၀၀၀၀)ဝန်းကျင်ကို ကုန်တင်ခ တစ်ပိဿာ(၅၀၀)ဖြင့် တင်ပို့ခဲ့ပြီး ရန်ကုန်မှဗီယက်နမ်သို့တင်ပို့ရန် (၁၂)ဘီးကား(၈)စီးဖြင့် ကုန်ချိန် ပိဿာ(၈၀၀၀၀)ကို သင်္ဘောတင်အမီအမြန်ကြေး ကုန်တင်ခတစ်ပိဿာ(၃၀၀)ဖြင့် တင်ပို့ခဲ့ကြောင်း သိရသည်။ တင်ပို့မှုများလာသော်လည်း ကြက်သွန်နီဈေးမှာ ယခင်တစ်ပတ်နှင့်နှိုင်းယှဉ်ပါက ဈေးငြိမ်နေ ပြီး လက်ကားဈေးတစ်ပိဿာ ၁၉၀၀-၂၀၀၀ ကျပ်ရှိကြောင်း ဈေးကွက်မှ သိရပါသည်။
DOCA(မန္တလေး)