တောင်ငူမြို့ ညောင်ပင်ဈေးတွင် ရာသီအလိုက်သီးနှံများကို ရောင်းချလျက်ရှိရာ ကန်စွန်းဥနှင့် အာဒါလွတ်ဥများ ရောင်းချနေပြီဖြစ်ပါသည်။
ကန်စွန်းဥတွင် ငချိပ်နှင့် ရွှေဝါဟူ၍ အမျိုးအစားနှစ်မျိုးရှိပါသည်။ ပေါ်ခါစတွင် တစ်ပိဿာလျှင် ၅၀၀၀ကျပ်မှ ၆၀၀၀ကျပ်အထိရှိသော်လည်း ယခုအောက်တိုဘာလ၊ ပထမအပတ်တွင် တစ်ပိဿာလျှင် ၃၀၀၀ကျပ်မှ ၄၀၀၀ကျပ်အထိ ဈေးနှုန်းကျဆင်းလာပါသည်။
အန်ဒါလွတ်ဥမှာ ပေါ်ခါစ ပေါ်ဦးပေါ်ဖျားဖြစ်ပါသည်။ ဈေးနှုန်းမှာ တစ်ပိဿာလျှင် ၃၅၀၀ကျပ်မှ ၄၀၀၀ကျပ်အထိရှိပါသည်။ ကန်စွန်းဥမှာ နူးညံ့သဖြင့် လူကြိုက်များ၍ ရောင်းအားကောင်းသော်လည်း အာဒါလွတ်ဥမှာ ကန်စွန်းဥကဲ့သို့ လူကြိုက်မများသဖြင့် အရောင်းအဝယ်ပါးကြောင်း ကန်စွန်းဥနှင့် အာဒါလွတ်ဥရောင်းချသူများထံမှသိရပါသည်။
DOCA(ပဲခူး)