ပိန်းဥကို ဇွန်လအစောပိုင်းတွင် စတင်စိုက်ပျိုးပြီး စက်တင်ဘာလ နောက်ဆုံးပတ်မှ ဈေးကွက်အတွင်းသို့ စတင်ဝင်ရောက်ရောင်းချကြပါသည်။ ပိန်းဥမှာ အောက်တိုဘာလတွင် လှိုင်လှိုင်ထွက်ပေါ်လာမည်ဖြစ်ပါသည်။ ပိန်းဥကိုသပ်သပ်လွတ်ဟင်းလျာအဖြစ်လည်းကောင်း၊ သားရေစာအဖြစ်လည်း ကောင်းစားသုံးကြပါသည်။ ပြည်မြို့ရှိဈေးကွက်အတွင်းတွင် ယခုရောင်းချနေသောပိန်းဥများမှာ ရှမ်းပြည်နယ်မှ ဝင်ရောက်လာသောပိန်းဥများဖြစ်ပါသည်။ ဒေသထွက်ပိန်းဥမျိုးမှာ ဈေးကွက်ပေါ်ရောင်းချခြင်းမရှိသေးဘဲ ရှမ်းပြည်ဒေသမှဝင်ရောက်လာသော ပိန်းဥဈေးများမှာ ယခင်နှစ်တွင် (၁)ပိဿာလျှင် (၂၅၀၀)ကျပ်ဖြစ်ခဲ့သော်လည်း ယခုနှစ်ရှမ်းပြည်ဒေသထွက် ပိန်းဥဈေးနှုန်းမှာ (၃၀၀၀-၄၀၀၀)ကျပ်ဖြင့် အရောင်းအဝယ်ဖြစ်နေကြောင်းသိရပါသည်။
DOCA(ပဲခူး)