မကွေးတိုင်းဒေသကြီး၊ ပခုက္ကူမြို့တွင် ပဲစဉ်းငုံနီ၊ ကုလားပဲအမျိုးမျိုး၊ ပဲတီစိမ်း၊ ထောပတ်ပဲ၊ ပဲနီနှင့်ပဲနောက် စသည့်ပဲအမျိုးမျိုးတို့ကို စိုက်ပျိုးလျက်ရှိပါသည်။ ပဲစဉ်းငုံနီကို ချောက် ကန်အုပ်စု၊ ကိုင်းအုပ်စု၊ ကန်တော်၊ ကံလှကျေးရွာများတွင် သီးညှက်အဖြစ်စိုက်ပျိုးကြပြီး ကုလားပဲနှင့် ထောပတ်ပဲကို ပခုက္ကူကျွန်းအုပ်စုဖြစ်သော ပခုက္ကူကျွန်း၊ ရေစကြို၊ ကျွန်းဦး၊ ကျွန်းညို၊ လေးလံ ကျွန်း၊ မြင်းကျွန်းကျေးရွာများတွင် စိုက်ပျိုးကြပါသည်။ ပဲမျိုးစုံကို ကုန်စည်ဒိုင်တွင်သာမက ပခုက္ကူမြို့ပေါ်ရှိ ပွဲရုံများတွင်လည်း အရောင်းအဝယ်ဖြစ်လျက်ရှိကြောင်း သိရပါသည်။
၂၀၂၄ခုနှစ်၊ အောက်တိုဘာလ(ဒုတိယပတ်)တွင် ပခုက္ကူမြို့ပေါ်ရှိ ပွဲရုံများ၌ အရောင်းအဝယ်ဖြစ်ခဲ့သော ဈေးနှုန်းများမှာ ပဲစဉ်းငုံနီ တစ်တင်းလျှင် ကျပ်(၁၄၂၀၀၀) ၊ ကုလားပဲဝါ(HL) တစ်တင်းလျှင် ကျပ် (၉၆၀၀၀)၊ ကုလားပဲဖြူ(V2 နှင့် V6)တစ်တင်းလျှင် ကျပ်(၁၀၂၀၀၀ မှ ၁၂၀၀၀၀)၊ ထောပတ်ပဲ တစ်တင်းလျှင် ကျပ်(၁၀၀၀၀၀)၊ ပဲတီစိမ်းတစ်တင်းလျှင် ကျပ်(၆၈၀၀၀)၊ ပဲနောက် တစ်တင်းလျှင် ကျပ် (၆၅၀၀၀)ဖြစ်ပြီး အရောင်းအဝယ်အနေဖြင့် နေ့စဉ်အိတ်(၅၀ မှ ၁၀၀)ထိ ဖြစ်ပြီး တင်ပို့မှုအနေဖြင့် ရန်ကုန်၊ မန္တလေးဒေသများသို့ တင်ပို့နေကြောင်း ကုန်သည်များထံမှ သိရှိရပါသည်။
DOCA(မကွေး)