မကွေးတိုင်းဒေသကြီး၊ ပခုက္ကူမြို့နယ် ကြက်သွန်နီစိုက်ပျိုးရာဒေသများဖြစ်ကြသော ပေါက်၊ ဆိပ်ဖြူ၊ ရေပြာ၊ ကမ္မ၊ ပခုက္ကူကျွန်းများတွင် ဆောင်းစိုက်၊ ပင်စိုက်ကြက်သွန်နီများ စိုက်ပျိုးလျက်ရှိပါသည်။ ပခုက္ကူကြက်သွန်နီ ကုန်စည်ဒိုင်သို့ ပခုက္ကူမြို့ရှိ မြို့နယ်များသာမက အခြားဒေသများဖြစ်သော စစ်ကိုင်းဒေသကြီးအတွင်းရှိ ပုလဲနယ်မှထွက်ရှိသော ကြက်သွန်နီများလည်း ဝင်ရောက် အရောင်းအဝယ်ဖြစ်လျက်ရှိပါသည်။ ပခုက္ကူမြို့သည် ကြက်သွန်နီ အဓိကထွက်ရှိရာ ဒေသတစ်ခုလည်းဖြစ်ပြီး စီးပွားရေးအချက်အခြာကျသော မြို့တစ်မြို့လည်းဖြစ်ပါသည်။
၂၀၂၄ခုနှစ်၊ အောက်တိုဘာလ(ပထမပတ်)တွင် အရောင်းအဝယ်ဖြစ်လျက်ရှိသော ကြက်သွန်နီ(ယော) ဒိုင်ပြတ် ဈေးနှုန်းမှာ ထိပ်စတစ်ပိဿာလျှင် ကျပ်(၁၈၅၀)၊ အလတ်စ တစ်ပိဿာလျှင် ကျပ်(၁၅၀၀)၊ အနိမ့်စ တစ်ပိဿာလျှင် ကျပ်(၁၀၀၀)၊ ပုလဲစတစ်ပိဿာလျှင် ကျပ်(၁၈၅၀)၊ အလတ်စ တစ်ပိဿာလျှင်ကျပ် (၁၇၀၀)၊ အနိမ့်စ တစ်ပိဿာလျှင် ကျပ်(၁၂၀၀) ဖြစ်ပြီး အောက်တိုဘာလ(ဒုတိယပတ်)တွင် အရောင်းအဝယ်ဖြစ်လျက်ရှိသော ကြက်သွန်နီ(ယော) ဒိုင်ပြတ် ဈေးနှုန်းမှာ ထိပ်စ တစ်ပိဿာလျှင် ကျပ်(၂၀၀၀)၊ အလတ်စ တစ်ပိဿာလျှင် ကျပ်(၁၈၀၀)၊ အနိမ့်စ တစ်ပိဿာလျှင် ကျပ်(၁၃၀၀)၊ ပုလဲစ တစ်ပိဿာလျှင် ကျပ်(၁၈၀၀)၊ အလတ်စ တစ်ပိဿာ လျှင် ကျပ်(၁၇၀၀) အနိမ့်စ တစ်ပိဿာလျှင် ကျပ်(၁၂၀၀)ဖြစ်ပြီး (ပထမပတ်)နှင့် (ဒုတိယပတ်) နှိုင်းယှဉ်ပါက ကြက်သွန်နီ(ယော)မှ တစ်ပိဿာလျှင် ကျပ်(၁၅၀)ခန့် မြှင့်တက်နေပြီး နေ့စဉ် ကုန်ဝင်ပိဿာချိန်မှာ တစ်နေ့လျှင် ကုန်ချိန်(၅၀၀၀၀)ခန့် အရောင်းအဝယ်ဖြစ်နေကြောင်း ကြက်သွန်ကုန်စည်ဒိုင်မှ သိရှိရပါသည်။
DOCA(မကွေး)