၂၀၂၄ခုနှစ်၊ အောက်တိုဘာလ(၁၄)ရက်နေ့၊ နေ့လယ်(၁၄း၀၀)နာရီအချိန်တွင် မြိတ်ခရိုင်စားသုံးသူရေးရာဦးစီးဌာနမှ ဝန်ထမ်းများသည် “အဖွားလက်ရာ” အမှတ်တံဆိပ်ပါ အသားဟင်း၊ ငါးဟင်း စည်သွပ်ဘူးများတွင် ရိုက်နှိပ်ထားသော အညွှန်းဖော်ပြချက်များနှင့် စတစ်ကာကပ်၍ဖော်ပြထားသည့် အညွှန်းဖော်ပြချက်များမှာ တူညီမှုမရှိဘဲ ကွဲလွဲမှုများရှိနေကြောင်းကိုသိရှိရသဖြင့် မြိတ်မြို့ပေါ်ရှိ “အဖွားလက်ရာ”အမှတ်တံဆိပ် ရောင်းချနေသောကုန်တိုက်များသို့ ဗဟိုစာရင်းအင်းဦးစီးဌာနနှင့် မြို့နယ်စည်ပင်သာယာရေးအဖွဲ့တို့နှင့်အတူသွားရောက်၍ ကုန်အညွှန်းအမှတ်အသားဖော်ပြချက်များကွဲလွဲမှုရှိ/ မရှိ ကွင်းဆင်းစစ်ဆေးခဲ့ကြောင်း သတင်းရရှိပါသည်။
ထိုသို့ကွင်းဆင်းစစ်ဆေးရာတွင် “အဖွားလက်ရာ”အမှတ်တံဆိပ်ပါ ကုန်ပစ္စည်းနှင့်ကုန်အညွှန်းအမှတ်အသားဖော်ပြချက်မှာ တူညီမှုရှိနေကြောင်းသိရှိရပါသည်။
DOCA(တနင်္သာရီ)