မကွေးတိုင်းဒေသကြီးသည် ဆီထွက်သီးနှံနှင့် ပဲမျိုးစုံတို့ကို အဓိကစိုက်ပျိုးထွက်ရှိသော ဒေသတစ်ခုဖြစ်ပြီး ပန်းမျိုးစုံလည်း စိုက်ပျိုးဖြစ်ထွန်းလျက်ရှိပြီး ဒေသတွင်းပန်းများနှင့် မန္တလေးတိုင်းဒေသကြီး၊ ပြင်ဦးလွင်မြို့မှ ပန်းမျိုးစုံတို့ ဝင်ရောက်အရောင်းအဝယ်ဖြစ်လျက်ရှိကြောင်းသိရသည်။
၂၀၂၄ခုနှစ်၊ အောက်တိုဘာလ (တတိယပတ်)တွင် မကွေးမြို့၌ဖြစ်ပေါ်နေသော ပန်းမျိုးစုံဈေးနှုန်းများမှာ ဂန္ဓမာပန်း(ပွင့်သေး) တစ်စည်းလျှင် ကျပ်(၃၀၀၀)၊ ဂန္ဓမာပန်း(ပွင့်ကြီး) တစ်စည်းလျှင် ကျပ်(၅၀၀၀)၊ သစ်ခွပန်းခိုင်တစ်စည်းလျှင် ကျပ်(၅၀၀၀)၊ နှင်းဆီပန်းတစ်စည်းလျှင် ကျပ်(၂၅၀၀-၃၀၀၀)၊ သစ္စာပန်းတစ်စည်းလျှင် ကျပ်(၂၀၀၀)၊ နှင်းပန်းတစ်စည်းလျှင် ကျပ်(၁၅၀၀)၊ ပန်းတိမ်ငိုပန်းတစ်စည်းလျှင် ကျပ်(၂၅၀၀-၃၀၀၀)၊ သပြေညွန့်တစ်စည်းလျှင် ကျပ်(၅၀၀)၊ သပြေငုတ်တစ်ပင်လျှင် ကျပ်(၂၀၀၀-၄၀၀၀)နှင့် ရေမွှေးပန်းတစ်စည်းလျှင် ကျပ်(၁၅၀၀-၂၀၀၀)တို့ဖြင့်အရောင်းအဝယ်ဖြစ်လျက်ရှိကြောင်း၊ ပန်းမျိုးစုံသည် ဘုရားပန်းတင်ခြင်းနှင့် မြင်ရသူအဖို့ စိတ်တွင် အေးမြကြည်လင်စေသောကြောင့် အမျိုးသမီးများအနေဖြင့် အထူးနှစ်သက်သဖြင့် ဝယ်လိုအားကောင်းမွန်လျက်ရှိကြောင်းသိရှိရပါသည်။
DOCA(မကွေး)