ယခု၂၀၂၄ခုနှစ်၊ အောက်တိုဘာလ တတိယပတ်အတွင်း အာလူးသီးနှံကုန်စည်ဝင်ရောက်မှုပါးသဖြင့် ဈေးကွက်လိုအပ်ချက်မြင့်မားခဲ့ပါသည်။ အာလူးကြော်ဈေးကွက်အကြိုက်မာကစ် S1 S2 နှင့် မျက်နီ S1 S2 ဆိုဒ်များအဝင်အလွန်နည်းပါးခဲ့ပြီး ဈေးကွက်အတွင်းရှိအကြော်သီးဆိုဒ်များလည်ပုံမှန် ဝယ်လက်များပင် ပြည့်မှီအောင်မရောင်းနိုင်ဖြစ်နေသဖြင့် ဈေးကွက်ပျောက်သည့်သဘောဖြစ်နေပါသည်။ အသေးနှင့်အလတ်ဆိုဒ်များဖြစ်သည့် OK ၅၈၀၀၊ A1 ဆိုဒ် ၄၅၀၀မှ၅၀၀၀ခန့် A1ဆွဲ ၄၀၀၀နှင့် ဂေါ်လီဆိုဒ် ၂၀၀၀ခန့် ဆိုဒ်အလိုက်ဈေးပေါက်နေကြောင်းသိရပါသည်။
အချို့သောတောင်သူများသည် ကုန်သည်ဈေးကွက်အစား ဈေးနှုန်းပိုရသောမိမိတို့တစ်နိုင်တစ်ပိုင် ဒေသဈေးကွက်သို့ရောင်းချဖြန့်ဖြူးခြင်းကြောင့်လည်း ကုန်ဝင်ပါးလာခဲ့ပါသည်။ အကျိုးဆက်အနေဖြင့် ယခင်အကြော်သီးဆိုဒ်များ ဈေးမြင့်ရာမှ ယခုစားသုံးသူများ အသုံးများသည့်အသေး၊ အလတ်ဆိုဒ်များပါ ဈေးမြင့်လာခဲ့ပါသည်။ (စက)အာလူးပေါ်ချိန် ပွင့်လင်းရာသီအထိဈေးနှုန်းပြန်မကျနိုင်သေးကြောင်း ကုန်သည်လုပ်ငန်းရှင်များထံမှ စုံစမ်းသိရှိရပါသည်။
DOCA(ရှမ်း)