စားသုံးသူရေးရာဦးစီးဌာန၊ မြန်အောင်မြို့နယ်တာဝန်ခံသည် (၂၂-၁၀-၂၀၂၄) ရက်နေ့၊ နံနက် (၀၈:၀၀) နာရီအချိန်တွင် မြန်အောင်မြို့နယ် ကုန်တင်ယာဉ်အသင်းဥက္ကဋ္ဌ ဦးလှအောင်နှင့် တွေ့ဆုံ၍ ကုန်တင်ယာဉ်အသင်းမှ လက်ရှိလှုပ်ရှားဆောင်ရွက်နေမှုများအား မေးမြန်းဆွေးနွေးခဲ့ပါသည်။
ထိုသို့ဆွေးနွေးခဲ့ရာတွင် လက်ရှိကုန်တင်ယာဉ်အသင်း၌ အဖွဲ့ဝင်(၅)ဦးရှိပြီး အသင်းအနေဖြင့် မြန်အောင်မြို့နယ်အတွင်း ကုန်စည်များချောမွေ့စွာစီးဆင်းနိုင်ရေး၊ ဈေးကွက်အတွင်း ကုန်စည်များပြတ်လပ်မှုမဖြစ်စေရန် ကုန်တင်ယာဉ်များ ပုံမှန်ပြေးဆွဲနိုင်စေရေး အဓိကဆောင်ရွက်လျက်ရှိပါသည်။ ကုန်တင်ယာဉ်များပြေးဆွဲရာတွင် အဓိကလိုအပ်ချက်ဖြစ်သော စက်သုံးဆီဈေးနှုန်းများကိုလည်း တည်ငြိမ်အောင်ထိန်းညှိပေးနိုင်ရေး အသင်းအနေဖြင့် တတ်နိုင်သလောက် ဆောင်ရွက်သွားမည်ဖြစ်ကြောင်း၊ အသင်းဝင်များက ညီညီညွတ်ညွတ်ဖြင့် တိုင်ပင်ညှိနှိုင်းပြီး ကုန်စည်များချောမွေ့စွာသယ်ယူနိုင်မှသာ ဒေသအတွင်းဖွံ့ဖြိုးတိုးတက်မှုမြန်ဆန်လာနိုင်ကြောင်း အကြံပြုဆွေးနွေးပြောကြားခဲ့ကြောင်းသိရှိရပါသည်။
DOCA(ဧရာဝတီ)