ဖျာပုံခရိုင်စားသုံးသူရေးရာဦးစီးဌာန၊ မြို့နယ်တာဝန်ခံ ဦးမင်းဇော်နှင့်ဝန်ထမ်းတို့သည် ၂၀၂၄ခုနှစ်၊ အောက်တိုဘာလ (၂၃) ရက်နေ့၊ နံနက်(၁၀:၀၀) နာရီအချိန်တွင် စားသုံးသူရေးရာဦးစီးဌာနနှင့် မိတ်ဖက်အဖွဲ့စည်းများပူးပေါင်း၍ ဖျာပုံမြို့ (၁၄) ရပ်ကွက် ရွှေပြည်အေးဆန်စက်ရှိ စပါးခွံလောင်စာတောင့်လုပ်ငန်းသို့ MSME လုပ်ငန်းဖွံ့ဖြိုးတိုးတက်ရေး သွားရောက်ကွင်းဆင်းစိစစ်ခဲ့ကြပါသည်။
ထိုသို့ကွင်းဆင်းစိစစ်ရာတွင် လုပ်ငန်း၏ထုတ်လုပ်နိုင်မှုအခြေအနေ၊ ဈေးကွက်တင်ပို့ရောင်းချမှု၊ ဈေးနှုန်းဈေးကွက်အခြေအနေများ၊ တွက်ခြေကိုက်မှုအခြေအနေများကို လေ့လာစုံစမ်းရာတွင် တစ်နေ့ထုတ်လုပ်မှုအနေဖြင့် ပိဿာချိန် (၂၀) အိတ် (၁၅၀) အိတ်ခန့်ထုတ်လုပ်ပြီး ဈေးနှုန်းအနေဖြင့် (၈၀၀၀) ကျပ်ဖြင့်ရောင်းချပါသည်။ ဈေးကွက်အနေဖြင့် အဆိုပါ လောင်စာတောင့်များကို ပင်လယ်ကျားပိုက်လုပ်ငန်းများနှင့် ရန်ကုန်သို့တင်ပို့ရောင်းချလျက်ရှိကြောင်း ကွင်းဆင်းစိစစ်မှုအရ သတင်းရရှိပါသည်။
DOCA(ဧရာဝတီ)