ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်အတွင်းရှိ ရပ်ကွက်ဈေး၊ ဈေးတန်းနှင့် မြို့ပေါ် ကုန်စုံဆိုင်များတွင် အဖွားလက်ရာ အမှတ်တံဆိပ်ပါ အသားဟင်း ဆီသွပ်ဘူးများရောင်းချမှုရှိ/ မရှိကို ဌာနဆိုင်ရာအဖွဲ့စုံဖြင့် (၂၃-၁၀-၂၀၂၄) ရက်နေ့၌ ကုန်စည်တွင် ကုန်အညွှန်းဖော်ပြချက်နှင့် ကုန်စည်ပေါ်တွင် စတစ်ကာကပ်၍ ဖော်ပြမှုတို့ ကိုက်ညီမှုရှိ/ မရှိကို ဈေးကွက်စောင့်ကြည့်ကွင်းဆင်းစစ်ဆေးခဲ့ကြသည်။
ထိုသို့ကွင်းဆင်းစစ်ဆေးရာတွင် အမေရိကန်နိုင်ငံ၊ စိုက်ပျိုးရေးဝန်ကြီးဌာနက လူထုကျန်းမာရေးဆိုင်ရာ သတိပေးချက်ထုတ်ပြန်ခဲ့သည့် “အဖွားလက်ရာ” အမှတ်တံဆိပ်ပါ အသားဟင်း၊ ငါးဟင်း စည်သွပ်ဘူးများတွင် ရိုက်နှိပ်ထားသော အညွှန်းဖော်ပြချက်များနှင့် စတစ်ကာကပ်၍ဖော်ပြထားသည့် အညွှန်းဖော်ပြချက်များမှာ တူညီမှုမရှိဘဲ ကွဲလွဲမှုများဖြစ်ပေါ်လျက်ရှိသဖြင့် စားသုံးသူများနားလည်မှုလွဲမှားစေနိုင်သည့်အတွက် ဈေးကွက်အတွင်း အဆိုပါကုန်စည်များရောင်းချနေပါက ကုန်အညွှန်းအမှတ်အသားကွဲလွဲမှုရှိ/ မရှိကို ပန်းတနော်မြို့နယ်တွင် ဈေးကွက်စောင့်ကြည့်စစ်ဆေးခဲ့ကြောင်းသိရသည်။ ပန်းတနော်မြို့နယ်အတွင်း၌ "အဖွားလက်ရာ" အမှတ်တံဆိပ်ပါ စည်သွပ်ဘူးများရောင်းချမရှိကြောင်းကိုတွေ့ရှိရပြီး၊ လုပ်ငန်းရှင်များကို အဆိုပါ ကုန်စည်များနှင့် အလားတူညီသော မည်သည့် အသင့်စားသောက်ကုန်ပစ္စည်းများကိုရောင်းချရာတွင်လည်း ကုန်အညွှန်းဖော်ပြချက်အတိုင်းကိုက်ညီသော ကုန်စည်ပေါ်တွင် ကုန်အညွှန်းဖော်ပြချက်ကွဲလွဲမှုမရှိသည့် အသားဟင်း၊ ငါးဟင်း စည်သွပ်ဘူးများအား ဈေးကွက်အတွင်း သတိပြုရောင်းချရန် အသိပညာပေးခြင်း၊ ကုန်အညွှန်းနှင့်မကိုက်ညီသော ကုန်စည်ဖြစ်ပါက သက်ဆိုင်ရာဌာနသို့ သတင်းပေးပိုဆောင်ရွက်ကြရန်နှင့် ဈေးကွက်အတွင်း ရောင်းချမှုများအားစစ်ဆေးတွေ့ရှိပါက စားသုံးသူကာကွယ်ရေးဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း ဈေးဆိုင်များသို့ သွားရောက်အသိပညာပေးကွင်းဆင်းစစ်ဆေးခဲ့ကြောင်းသိရှိရပါသည်။
DOCA(ဧရာဝတီ)