ဘီးလင်းမြို့နယ်ဒေသထွက်တောင်ထန်းများကို နေ့စဉ် ပဲခူးတိုင်းဒေသကြီးဘက်သို့တင်ပို့ရောင်းချ လျှက်ရှိရာ ယခုနှစ်ရာသီတွင် ယခင်နှစ်ထက်ဈေးနှုန်း ပိုမိုရရှိလာကြောင်းသိရှိရပါသည်။ တောင်ထန်းကို အိမ်ခေါင်မိုး မိုးရန်နှင့် လယ်တဲများအမိုးပြုလုပ်ရန်အသုံးပြုလျှက်ရှိပါသည်။ ယခင်နှစ် တောင်ထန်းရာသီ ထွက်ရှိချိန် ဖေဖော်ဝါရီ၊မတ်လ များတွင် တောင်ထန်းဈေးနှုန်းမှာ ကဒ်(၁၀၀)လျှင် ၆၅၀၀ကျပ်မှ ၇၀၀၀ ထိဈေးရရှိ၍ မိုးရာသီရောက်ရှိခါနီးအချိန်တွင် ဈေးအမြင့်ဆုံးရရှိတတ်ပြီး ဧပြီလတွင် တောင်ထန်း ကဒ်(၁၀၀)လျှင် ၁၀၀၀၀ ကျပ်ထိဈေးနှုန်းရရှိခဲ့ပါသည်။ ယခုနှစ် တောင်ထန်းရာသီ ထွက်ရှိချိန် ဖေဖော်ဝါရီ၊မတ်လ များတွင် တောင်ထန်းဈေးနှုန်းမှာ ကဒ်(၁၀၀)လျှင် ၈၀၀၀ကျပ်မှ ၉၀၀၀ထိ ဈေးရရှိကာ မိုးရာသီဈေးအမြင့်ဆုံး ရရှိချိန်ဧပြီလတွင် တောင်ထန်း ကဒ် (၁၀၀)လျှင် ၂၀၀၀၀ ကျပ်ထိ အရောင်းအဝယ် ဖြစ်နေကြောင်း သိရှိရပါသည်။
DOCA(မွန်)