ယခု ၂၀၂၄ နှစ် ဆောင်းရာသီအစ စက်တင်ဘာလမှ စတင်၍ ယခုအောက်တိုဘာ လကုန်ရက်များအထိ ရာသီစာဖြစ်သော ဒေသထွက် ဩဇာသီးများ ပေါများစွာ မုံရွာမြို့ သစ်သီးဈေးကွက်သို့ ဝင်ရောက်လျက်ရှိကြောင်း သိရသည်။ ဩဇာသီးများကို မုံရွာမြို့နယ် ဒေသတစ်ဝိုက်ရှိ ကျေးရွာများတွင် အိမ်ခြံဝိုင်းများနှင့် တစ်ပိုင်တစ်နိုင် စိုက်ခင်းများအပြင် စီးပွားဖြစ်စိုက်ပျိုးသူများလည်း စိုက်ပျိုးကြကြောင်း သိရှိရပါသည်။
ယခုနှစ်တွင် ဩဇာသီးစိုက်ပျိုးသော တောင်သူများအနေဖြင့် ဩဇာသီးများ၏ ထွက်ရှိမှု ကောင်းမွန်သကဲ့သို့ ဈေးကောင်းရသောကြောင့် အကျိုးအမြတ်ရရှိကြောင်း သိရသည်။ ဩဇာသီး အကြီး တစ်လုံးလျှင် ၁၅၀၀ကျပ်၊ အလတ်စားအရွယ်တစ်လုံးလျှင် ၁၀၀၀ ကျပ်နှင့် အသေးစားအရွယ် (ပယ်) လုံးများကို ၇၀၀ကျပ်မှ ၅၀၀ ကျပ်အထိ ဈေးနှုန်းအမျိုးအစားများဖြင့် ရောင်းချလျက်ရှိကြောင်း သိရှိရပါသည်။
DOCA(စစ်ကိုင်း)