တောင်ကြီးမြို့၊ အေးသာယာရပ်ကွက်၊ အမှတ်(၅) ဈေးတွင် ပန်းတိမ်ငိုပန်း၊ ဂန္ဒမ္မာပန်း၊ ခိုင်ရွှေဝါပန်း၊ နှင်းဆီပန်း၊ အောင်သပြေပန်းနှင့် သစ်ခွပန်းစသည့် အလှပန်းနှင့် ဘုရားပူဇော် သောပန်းများမျိုးစုံရှိသည့်အနက် အောင်သပြေပန်းမှာ အရောင်းအဝယ်သွက်နေကြောင်း သိရှိရပါသည်။
အောင်သပြေပန်းမှာ ပန်းအခက်နှင့် ပန်းအငုတ်ဟူ၍နှစ်မျိုးရှိပြီး အောင်သပြေငုတ်မှာ ဘုရားပန်းအိုးထိုးရာတွင် ကြာရှည်အထားခံကြောင်းသိရှိရသည်။ အောင်သပြေငုတ်မှာ ကြာရှည် အထားခံသည့်အတွက် ဘုရားကျောင်းဆောင်များတွင် စိမ်းစိမ်းစိုစိုနှင့်လှပပြီး ကျက်သရေရှိသည့် အတွက် လူတိုင်းနီးပါးကြိုက်နှစ်သက်ကြောင်းလည်း သိရှိရသည်။
အောင်သပြေငုတ်ကို နေ့စဉ်ပုံမှန်ရေလဲလှယ်ပေးပါက အရွက်များကြွေခြင်းမရှိပဲ (၁) လခန့်အထိ အထားခံကြောင်းသိရသည်။ အောင်သပြေငုတ်ကို အကြီးအသေးနှစ်မျိုးခွဲ၍ ရောင်းချကြပြီး အကြီးတစ်ပင်လျှင် (၃၀၀၀) ကျပ်နှင့် အသေးတစ်ပင်လျှင်(၂၀၀၀) ကျပ်ဖြင့် ရောင်းချကြောင်း သိရှိရသည်။
အောင်သပြေငုတ်များကို ပျဉ်းမနား၊ တပ်ကုန်း စသည့်မြို့နယ်များမှလည်း ဝယ်ယူပြီးရောင်း ချကြကြောင်း သိရှိရပါသည်။
DOCA(ရှမ်း)