ထားဝယ်မြို့ရှိ ပတ်ဝန်းကျင်ကျေးရွာများမှ ပြည်သူများသည် မိမိတို့နေအိမ်ခြံဝင်းများနှင့် တောင်ယာများတွင် သီးပင်၊စားပင်များကို တစ်နိုင်တစ်ပိုင် စိုက်ပျိုးထားလျက်ရှိရာ စိမ်းစားဥပင် များကိုလည်း စိုက်ပျိုးထားပါသည်။ စိမ်းစားဥပင်များကို ဆောင်းရာသီတွင် နုံးမြေရှိသော အရပ်ဒေသတိုင်း၌ စိုက်ပျိုးနိုင်ပါသည်။ စိုက်ပျိုးသည့်အခါ မြေကြီးကို ကောင်းစွာညက်လာစေရန် ထွန်ယက်ပြီး ထယ်ကြောင်းပေး၍ အစေ့များကို ခပ်ထူထူစိုက်ပျိုးရသည်။ ဥများ ကောင်းစွာကြီးထွားရန်အတွက် ၅ လမှ ၆လ အထိကြာပြီး အပင်အို၍ ညှိုးကျလာသောအခါမှ ဥများကို တူးဖော်ရသည်။ စိမ်းစားဥသည် အရည်ရွှမ်း၍ စားလျှင် ရေငတ်ပြေသည်။
ယခုကာလသည် ကထိန်၊အလှူကာလဖြစ်သောကြောင့် သစ်သီး၊သစ်ဥများ ရောင်းကောင်းသော ကာလဖြစ်၍ စိမ်းစားဥ(အလုံးကြီး) တစ်ပိဿာလျှင် (၃၀၀၀ ကျပ်မှ၄၀၀၀ကျပ်) အတွင်းရှိပြီး (အလုံးငယ်) တစ်ပိဿာလျှင် (၂၀၀၀ကျပ် မှ ၂၅၀၀ကျပ်)အတွင်းရှိကြောင်း သိရှိရပြီး တောင်သူများတွက် ချေကိုက်လျက်ရှိကြောင်း သိရှိရပါသည်။
DOCA(တနင်္သာရီ)