ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်စည်ပင်သာယာဈေးအတွင်းရှိ အလှကုန်ပစ္စည်းအမျိုးမျိုးတို့အား ဖြန့်ဖြူးရောင်းချလျက်ရှိသော ဆိုင်များသို့ နိုဝင်ဘာလ (၈)ရက်နေ့၊ နံနက်(၁၀း၃၀)နာရီအချိန်တွင် ကုန်အညွှန်းအမှတ်အသားဖော်ပြခြင်းဆိုင်ရာ ကွင်းဆင်းစစ်ဆေးခဲ့ကြောင်းသိရသည်။
ထိုသို့ကွင်းဆင်းစစ်ဆေးရာတွင် မြို့နယ်စည်ပင်သာယာမြို့မဈေးတာဝန်ခံ ဦးအေးသွင်နှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းတို့သည် စားသုံးသူပြည်သူများ စားသောက်ကုန်ပစ္စည်းများနှင့် အလှကုန်ပစ္စည်းအမျိုးမျိုးတို့အား ဝယ်ယူသုံးစွဲရာတွင် ဘေးဥပါဒ်အန္တရာယ်ကင်းရှင်းစေရန်နှင့် ထုတ်ကုန်များလုံခြုံစိတ်ချရမှုရှိစေရေးတို့အတွက် စည်ပင်သာယာမြို့မဈေးအတွင်းအပြင်တွင် အလှကုန်ပစ္စည်းအမျိုးမျိုးတို့အား ဖြန့်ဖြူးရောင်းချပေးလျက်ရှိသော ရုံ(၃၁)ဆိုင် အမှတ်(၃)ရှိ ဒေါ်အေးအေးနိုင်အလှကုန်ပစ္စည်းဆိုင်နှင့် ရုံ(၃၁)ဆိုင်အမှတ်(၇/ ၈)ရှိ ဒေါ်ဝေဝေအောင် အလှကုန်ပစ္စည်းဆိုင်တို့တွင် ဖြန့်ဖြူးရောင်းချပေးလျက်ရှိသော အလှကုန်ပစ္စည်းအမျိုးမျိုးတို့၌ သက်ဆိုင်ရာဌာနများဖြစ်သော အစားသောက်နှင့်ဆေးဝါးကွပ်ကဲရေးဦးစီးဌာန FDA ခွင့်ပြုချက်ပါရှိခြင်းရှိ/ မရှိ၊ စားသုံးသူရေးရာဦးစီးဌာနမှထုတ်ပြန်ထားသော ကုန်အညွှန်းအမှတ်အသားဖော်ပြခြင်းဆိုင်ရာအချက်များ ပြည့်စုံစွာဖော်ပြထားခြင်းရှိ/ မရှိတို့အား ကွင်းဆင်းစစ်ဆေးခဲ့ကြောင်းသိရှိရသည်။
DOCA(ရန်ကုန်)