“ ကွမ်းခြံကုန်းမြို့နယ်၌ ဈေးကွက် အတွင်း ရောင်းချနေသော အလှကုန်ပစ္စည်းအမျိုးမျိုးတို့အား ကွင်းဆင်းစစ်ဆေးခြင်း "

              ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်တွင် ၂၀၂၄ ခုနှစ်၊ နိုဝင်ဘာလ (၁၃)ရက်နေ့၊ နံနက်(၀၉း၃၀)အချိန်တွင် စားသုံးသူရေးရာဦးစီးဌာန၊ ကွမ်းခြံကုန်းမြို့နယ်တာဝန်ခံနှင့် ဝန်ထမ်းများသည် ညွှန်ကြားချက်အရ ဦးစားပေးကုန်စည်(၁၀)မျိုးတို့တွင် နိုဝင်ဘာလအတွင်းစစ်ဆေးရမည့် (၁၀) ဂရမ်နှင့်အထက် အလှကုန်ပစ္စည်းများအား စစ်ဆေးနိုင်ရန် မြို့နယ်စည်ပင်သာယာရေးအဖွဲ့၊ မြို့နယ်ပြည်သူ့ကျန်းမာရေးဦးစီးဌာနနှင့် စားသုံးသူ ရေးရာဦးစီးဌာနတို့ပူးပေါင်း၍ စည်ပင်သာယာမြို့မဈေးအတွင်း အလှကုန်ပစ္စည်းအမျိုးမျိုး ရောင်းချနေသောဆိုင်များသို့ ကွင်းဆင်းစစ်ဆေးခဲ့ကြောင်းသိရသည်။

                ထိုသို့ဈေးကွက်အတွင်း ကွင်းဆင်းစစ်ဆေးခဲ့ရာတွင် အလှကုန်ပစ္စည်းအမျိုးမျိုးရောင်းချသောဆိုင်များဖြစ်သည့် “နှင်းဆီမ”အလှကုန်ဆိုင်၊ “ဒေါ်ငြိမ်းငြိမ်းဆု”အလှကုန်ဆိုင်နှင့် “နွေးနွေး” အလှကုန်ဆိုင်နှင့် ကုန်မျိုးစုံရောင်းဝယ်ရေးဆိုင်များတွင် Pond’sအမှတ်တံဆိပ် မျက်နှာလိမ်းခရမ်အမျိုးမျိုး၊ Bella အမှတ်တံဆိပ် မျက်နှာလိမ်းခရမ်များနှင့် တောင်ကြီးမောက်မယ်အမှတ်တံဆိပ် သနပ်ခါးဗူးများ၊ All Sweet အမှတ်တံဆိပ် ကိုယ်လိမ်းပေါင်ဒါဗူးများကို အများအားဖြင့်တွေ့ရှိရပြီး ၎င်းအလှကုန်ပစ္စည်းများတွင် ကုန်အညွှန်းအမှတ်အသားပြည့်စုံစွာပါရှိသည်ကို စစ်ဆေးတွေ့ရှိခဲ့ရပြီး ကွမ်းခြံကုန်းမြို့နယ်တာဝန်ခံက ဆိုင်ပိုင်ရှင်လုပ်ငန်းရှင်များအား အလှကုန်ပစ္စည်းများရောင်းချရာတွင် ကုန်အညွှန်းအမှတ်အသားပြည့်စုံသော အလှကုန်ပစ္စည်းများကိုသာရောင်းချကြရန် ဈေးဆိုင်ပိုင်ရှင်များအား အသိပညာပေးဆွေးနွေးခဲ့ကြောင်း သိရှိရပါသည်။

DOCA(ရန်ကုန်)