သင်္ဃန်းကျွန်းခရိုင်၊ အထွေထွေစီမံအုပ်ချုပ်ရေးမှူးရုံး၌ ဌာနဆိုင်ရာများ၊ စားအုန်းဆီလက်လီ/ လက်ကားဖြန့်ဖြူးရောင်းချသည့် လုပ်ငန်းရှင်များနှင့်တွေ့ဆုံဆွေးနွေးခြင်း

       စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးဦးလှစိုးသည် ၂၁.၁၁.၂၀၂၄ ရက်နေ့တွင် သင်္ဃန်းကျွန်းခရိုင်၊ တောင်ဥက္ကလာပမြို့နယ် အထွေထွေအုပ်ချုပ်ရေးရုံး၌ သက်ဆိုင်ရာဌာနများ၊ မြေပြင်ကွင်းဆင်းစစ်ဆေးရေးအဖွဲ့နှင့် စားအုန်းဆီလက်လီ/ လက်ကားဖြန့်ဖြူးရောင်းချသည့် လုပ်ငန်းရှင်များနှင့်ပူးပေါင်း၍ လစဉ်လုပ်ငန်းညှိနှိုင်းတွေ့ဆုံဆွေးနွေးပွဲသို့ စားသုံးသူရေးရာဦစီးဌာန၊ အရှေ့ပိုင်းခရိုင်ဦးစီးမှူးဦးလှစိုးမှ တက်ရောက်ခဲ့ကြောင်းသိရှိရ ပါသည်။

             ထိုသို့တွေ့ဆုံဆွေးနွေးရာတွင် စားအုန်းဆီဖြန့်ဖြူးရောင်းချသည့် လုပ်ငန်းရှင်များအနေဖြင့် စားအုန်းဆီများကို ဖြန့်ဖြူးရောင်းချရာတွင် မိမိမြို့နယ်အတွက်ရရှိသောဆီခွဲတမ်းများကို အချိုးကျခွဲဝေခြင်းနှင့် ဈေးနှုန်းမြှင့်တင်ရောင်းချခြင်းမပြုကြရန်၊ သင့်တင့်မျှတသည့် ဈေးနှုန်းဖြင့်သာရောင်းချကြရန်၊ ရပ်ကွက်/ဈေး နေရာအနှံ့ရောက်ရှိအောင် ဖြန့်ဖြူးပေးရန်၊ ဈေးနှုန်းမြှင့်တင်ရန်ရည်ရွယ်၍ သိုလှောင်ခြင်းမပြုလုပ်ရန်တို့ကို ဆွေးနွေးခဲ့ပြီး စားအုန်းဆီဈေးနှုန်းများကို အဆမတန်ဈေးနှုန်းမြှင့်တင်ရောင်းချခြင်းများ ပြုလုပ်သည်ကိုတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမှာဖြစ်ကြောင်းနှင့် ဌာနဆိုင်ရာများ၏ ဌာနအလိုက် လစဉ်လုပ်ငန်းဆောင်ရွက်ချက်များ၊ ဆွေးနွေးခဲ့ကြကြောင်း သိရှိရပါသည်။

DOCA(ရန်ကုန်)