လွိုင်ကော်မြို့ ဈေးကွက်အတွင်းတွင် အခြားဒေသများမှ အများဆုံးဝင်ရောက်လာသော အခြေခံစားကုန်များနှင့် ဒေသထွက်ဟင်းသီးဟင်းရွက်များ ဈေးကွက်အတွင်း ရောင်းဝယ်ဖောက်ကားလျှက်ရှိရာ ဧပြီလ စတုတ္တပတ်အတွင်း အခြေခံစားကုန်ဖြစ်သည့် ကြက်ဥဈေးနှုန်း မှာ အလုံးသေးတစ်လုံးလျှင် (၁၄၀)ကျပ်၊ အလုံးကြီးတစ်လုံးလျှင်(၁၅၀)ကျပ် ဖြစ်ပြီး မေလပထမပတ်တွင် ကြက်ဥဈေးအလုံးသေး တစ်လုံးလျှင်(၁၇၀)ကျပ် ၊အလုံးကြီးတစ်လုံးလျှင် (၁၈၀)ကျပ် ဈေးအထိမြှင့် တက်လျှက်ရှိရာ ယခင်အပတ်နှင့် ယခုအပတ်နှိုင်းယှဉ်လျှင် ကြက်ဥအလုံး သေးတစ်လုံးလျှင် (၃၀)ကျပ်နှင့် အလုံးကြီးတစ်လုံးလျှင် (၃၀)ကျပ် နှုန်းပိုမို ဈေးနှုန်း မြှင့်တက်လာသည်ကိုတွေ့ရပြီး ထိုသို့ဈေးနှုန်း မြှင့်တက်ရခြင်းမှာ လွိုင်ကော်ဈေးကွက် အတွင်းရှိ ကြက်ဥများမှာ တောင်ကြီးဘက်မှ ဝင်လာသော ကြက်ဥများဖြစ်ကြောင်း၊ လွိုင်ကော်ရှိ မွေးမြူရေးခြံများမှာ ကြက်စာဝယ်ယူမူ အခက်အခဲများကြောင့် ကြက်ခြံလုပ်ငန်းများ ရပ်ဆိုင်ထား၍ ဒေသအတွင်း ကြက်ဥထွက်ရှိမူမရှိသဖြင့် ဈေးနှုန်းများ မြင့်တက်လာခြင်းဖြစ်သည်ဟု ကြက်မွေးမြူရေးနှင့် ကြက်ဥရောင်းဝယ်ရေး လုပ်ငန်းရှင်တစ်ဦးထံမှ သိရှိသည်။
DOCA(ကယား)