ပြည်ဈေးကွက်သို့ ယခုဒီဇင်ဘာလ ပထမအပတ်တွင် ပန်းတောင်းမြို့နယ်၊ ဥသျှစ်ပင်ဒေသမှထွက်ရှိသော ဆင်ခရမ်းချဉ်သီးများ နှစ်ရက်လျှင် (၁)ကြိမ် ဝင်ရောက်လျက်ရှိနေပြီး (၁၀)ကြိမ်လျှင် ကြီး၊ လတ်၊ သေး အရော အလုံးရေ (၇၀၀-၆၀၀)ခန့် ဝင်ရောက်မှုရှိနေပါသည်။ ယခုဝင်ရောက်မှုမှာ ဥသျှစ်ပင်ဘက်မှသာအဝင်ရှိနေပြီး ယခင်နှစ်ကာလတူဝင်ရောက်မှုမှာ တောင်ကုတ်၊ ပေါက်ခေါင်းနှင့် ဥသျှစ်ပင်ဒေသတို့မှ အလုံးရေ (၁၅၀၀)ခန့် ဝင်ရောက်မှုနှင့် နှိုင်းယှဉ်ပါက ထက်ဝက်ခန့်လျော့နည်း ဝင်ရောက်ကြောင်းသိရှိရပါသည်။ ဝင်ရောက်မှုနည်းသဖြင့် ဈေးနှုန်းများမြင့်တက်လျက်ရှိပြီး ယခင်နှစ်တွင် အလုံးအကြီးအသေးပေါ်မူတည်၍ ပျမ်းမျှကျပ်(၁၈၀-၂၀၀)ခန့်ရှိခဲ့ပြီး ယခုဒီဇင်ဘာလပထမအပတ်တွင် ကျပ်(၃၅၀-၄၀၀)နှုန်းဖြင့် အသီးသီးရောင်းလျက်ရှိကာ ဈေးကွက်အတွင်း ဝင်ရောက်မှု၏သုံးပုံနှစ်ပုံခန့် အရောင်းအဝယ်ဖြစ်လျက်ရှိကြောင်း သိရှိရပါသည်။
DOCA(ပဲခူး)