၁၁.၁၂.၂၀၂၄ ရက်နေ့ နေ့လယ်(၁၃:၃၀)အချိန်တွင် လှိုင်သာယာ(အရှေ့ပိုင်း)မြို့နယ်သို့ စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် အွန်လိုင်းစနစ်ဖြင့်ရောင်းချခြင်း လုပ်ငန်းနှင့်ပတ်သက်၍ အသိပညာပေးဟောပြောဆွေးနွေးခဲ့ကြောင်းသိရသည်။
ဆွေးနွေးဟောပြောမှုကို လှိုင်သာယာ(အရှေ့ပိုင်း)မြို့နယ်၊ အမှတ်(၅)ဈေးတာန်ခံရုံး၌ ဈေးတာဝန်ခံဦးဇော်ဇော်လတ်မှ အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာနမှ ဒေါ်ခိုင်ရွှေ ဒုကြီးကြပ်ရေးမှူးမှ စားသုံးသူအဓိပ္ပါယ်၊ အွန်လိုင်းစနစ်ရောင်းချခြင်းအဓိပ္ပါယ်၊ အွန်လိုင်းစနစ်ရောင်းချခြင်းလုပ်ငန်းနှင့် စပ်လျဉ်း၍ မှတ်ပုံတင်လျှောက်ထားရာတွင် ကြိုတင်ပြင်ဆင်ထားရှိရမည့် အထောက်အထားများ၊ အခြေခံလိုအပ်ချက်များ၊ လျှောက်ထားခြင်းပုံစံအဆင့်ဆင့်နှင့် ကုန်အညွှန်းအမှတ်အသားတွင် ဖော်ပြခြင်းဆိုင်ရာ အကြောင်းအရာများအား ဟောပြောဆွေးနွေးခဲ့ပြီး ဟောပြောပွဲသို့ စားသုံးသူ(၂၀)ဦး တက်ရောက်ခဲ့ပြီး ဆွေးနွေးဟောပြောပွဲကို နေ့လယ်(၁၃:၅၀)အချိန်တွင် ရုပ်သိမ်းခဲ့ကြောင်း သိရှိရပါသည်။
DOCA(ရန်ကုန်)