စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး ထုတ်ကုန်လုံခြုံစိတ်ချရမှုဌာနခွဲမှ တာဝန်ရှိသူများသည် မအူပင်မြို့နယ်အတွင်း အွန်လိုင်းစနစ်ဖြင့် ရောင်းချခြင်းလုပ်ငန်းများ မှတ်ပုံတင်လက်မှတ် စိစစ်ထုတ်ပေးခြင်း၊ လုပ်ငန်းနှင့် မှတ်ပုံတင်ထားရှိမှု ကိုက်ညီမှုရှိ/ မရှိအခြေအနေကို မြေပြင်ကွင်းစစ်ဆေးခြင်းလုပ်ငန်းကို (၁၀.၁၂.၂၀၂၄) ရက်နေ့ နံနက်(၁၀:၀၀)အချိန်က မအူပင်မြို့နယ်တွင်း ကွင်းဆင်းစစ်ဆေးခဲ့ကြောင်းသိရသည်။
ကွင်းဆင်းစစ်ဆေးရာတွင် မအူပင်မြို့နယ်မှ အွန်လိုင်းစနစ်ဖြင့် ရောင်းချသူလုပ်ငန်းမှတ်ပုံတင်ထားပြီး လုပ်ငန်းများဖြစ်သည့် မအူပင်မြို့၊ မြို့သစ် ၄လမ်းမြင့်မိုလ်ရိတ်မှ New Beauty & Health Careလုပ်ငန်း၊ ခိုင်စံပါယ်လမ်း၊ အမှတ် ၇ရပ်ကွက်ရှိ Lin Kat Eain Cosmetics & Fancy လုပ်ငန်း၊ မအူပင်တက္ကသိုလ် Min Min Myat (Thampat) လုပ်ငန်း၊ အမှတ်၁၂၊ အေးမြသာယာ ၁၀လမ်းရှိ LAIT LAIT KHAINGလုပ်ငန်းစသော အွန်လိုင်းရောင်းချသူလုပ်ငန်း(၅)ခုသို့ သွားရောက်၍ ကုန်စည်/ ဝန်ဆောင်မှုများ အွန်လိုင်းစနစ်ဖြင့်ရောင်းချ နေပြီး မှတ်ပုံတင်ဆောင်ရွက်ထားရှိမှု မြေပြင်တွင်ရောင်းချကုန်စည်များနှင့် ကိုက်ညီမှုရှိ/ မရှိကိုစစ်ဆေးခြင်း၊ လုပ်ငန်းလိပ်စာမှန်ကန်မှုရှိ/ မရှိကိုစစ်ဆေးခြင်း၊ Online Sale မှတ်ပုံတင် မြေပြင် စစ်ဆေးခြင်း ဆိုင်ရာအချက်အလက်များ ကိုက်ညီမှု ရှိ/ မရှိကို စစ်ဆေးခဲ့ကြောင်းသိရသည်။
ကွင်းဆင်းစစ်ဆေးသော အွန်လိုင်းမှတ်ပုံတင်ပြီးသည့် ယခုစစ်ဆေးသောလုပ်ငန်း ၅ခုသည် မြေပြင်တွင်အမှန်တကယ် ရောင်းချနေသောလုပ်ငန်းစစ်ဆေးခြင်းဆိုင်ရာအချက်အလက်များနှင့် ကိုက်ညီကြောင်းစစ်ဆေးတွေ့ရှိရပါသည်။ လုပ်ငန်းရှင်များကို အွန်လိုင်းမှတ်ပုံတင်ပြီး လုပ်ငန်းများကို ကွင်းဆင်းစစ်ဆေးပြီးမှ ရောင်းချခွင့်ပြမည်ဖြစ်သဖြင့် ယခုလာရောက် မှန်ကန်မှုရှိ/ မရှိကို စစ်ဆေးခြင်းဖြစ်ကြောင်း၊ စားသုံးသူများကို အကာအကွယ်ပေးရန်နှင့် e-Commerce လုပ်ငန်းများဖွံ့ဖြိုးတိုးတက်စေရန် အွန်လိုင်းစနစ်နဲ့ ရောင်းချခြင်း လုပ်ငန်းများကို အရေးကြီးကုန်စည် ဝန်ဆောင်မှုအဖြစ်သတ်မှတ်ပြီး လုပ်ငန်းမှတ်ပုံတင်လက်မှတ်များကို ဝန်ကြီးဌာနမှ ခွင့်ပြုထုတ်ပေးလျက်ရှိကြောင်း၊ အခြားသောလုပ်ငန်း အသိမိတ်ဆွေများရှိပါက မှတ်ပုံတင်ဆောင်ရွက်နိုင်ရေး အသိပေးဆောင်ရွက်သွားရန်ကို အသိပေးပြောကြားခဲ့ကြောင်း သိရှိရပါသည်။
DOCA(ဧရာဝတီ)