ပုသိမ်မြို့တွင် ပြောင်းလဲသွားသောပြည်ပပို့ကုန် ဆံပင်စျေးကွက်

          ဧရာ၀တီတိုင်း​ဒေသကြီးအတွင်း ပြည်ပပို့ကုန်များတွင် တစ်ခုအပါအ၀င်ဖြစ်သော ဆံပင်စျေးကွက်မှာ ယခင်က မူဆယ်မှတစ်ဆင့် တရုတ်နိုင်ငံသို့သာ အဓိကတင်ပို့ရောင်းချမှုရှိသော်လည်း ယခုနှစ်ပိုင်းအတွင်း စျေးကွက်မှာပြောင်းလဲသွား၍ ပြည်တွင်း၌ နေထိုင်သောပြည်ပနိုင်ငံသားများနှင့် ပြည်ပနိုင်ငံများမှလည်း အ၀ယ်ဒိုင်သို့ တိုက်ရိုက်ချိတ်ဆက်၀ယ်ယူလျှက်ရှိကြောင်း သိရှိရပါသည်။ ဆံပင်စျေးနှုန်းမှာယခင် (၄/၅)နှစ်ခန့်က (၁)ပိဿာကိုကျပ် (၁)သိန်းမှ (၆)သိန်းစျေးအတွင်းသာရှိပြီး ယခုပေါက်စျေးမှာ ယခင်ထက် များစွာမြင့်တက်လျက်ရှိကြောင်း ၀ယ်ယူထားသော ဆံပင်ကုန်ကြမ်းကိုဆပ်ပြာနှင့် ရေဆေးနေပူလှမ်း အတိုအရှည်ဆိုဒ်ခွဲ၍ ပြည်တွင်းစျေးကွက်မှာပိဿာချိန် ပြည်ပစျေးကွက်တွင် ကီလိုနှင့်ရောင်းချရကြောင်း၊ ပုသိမ်မြို့ စိတ်တိုင်းကျ ဆံပင်ရောင်း၀ယ်ရေးလုပ်ငန်းရှင် ဦးညွန့်နိုင်ထံမှ သိရသည်။

          ဆံပင်၀ယ်ယူရာတွင် ကျွတ်စ/အပွအရိုင်းနှင့် အတိုအရှည် လက်မဆိုဒ်များမှာ ၁၂”၊ ၁၅’’၊ ၁၆’’၊ ၁၇’’၊ ၁၈’’၁၉’’၊ ၁၉’’၊ ၂၀’’၊ ၂၁’’၊ ၂၂’’၊ ၂၃’’၊ ၂၄’’၊ ၂၅’’၊၂၆’’၊၂၇’’၊၂၈’’၊၂၉’’၊၃၀’’၊၃၁’’နှင့် ၃၂’’အထက် လက်မအတိုအရှည်အလိုက် (၁)ပိဿာကိုကျပ် (၂)သိန်းခွဲမှ ကျပ်သိန်း (၂၀)၀န်းကျင် အရောင်းအ၀ယ်ဖြစ်ကြောင်း ပြည်ပစျေးကွက်တွင် ဆံပင်ကိုမုတ်ဆိတ်မွေး၊ ပါးသိုင်းမွေးအတုပြုလုပ်ခြင်း၊ ဆံတု၊ ဆံထုံးပြုလုပ်ခြင်း၊ ဂီတ၊ ရုပ်ရှင်နယ်ပယ်နှင့် ပျော်ပွဲရွှင်ပွဲများတွင် အလှကုန်ပစ္စည်းအဖြစ် အမျိုးမျိုးတွင်ကျယ်စွာ အသုံးပြုလျှက်ရှိကြောင်း ဦးညွန့်နိုင်ထံမှ သိရှိခဲ့ရပါသည်။

DOCA(ဧရာဝတီ)