ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ်တွင် ပဲဈေးကွက်အနေဖြင့် ဈေးနှုန်းမြင့်တက်လာခြင်းမရှိပဲ ဈေးနှုန်းကျဆင်းလျက်ရှိကြောင်း ပဲကုန်သည်တစ်ဦးထံမှသိရှိရပါသည်။ နိုဝင်ဘာလနောက်ဆုံးပတ်တွင် မတ်ပဲ ပိဿာ ၂၀တစ်တင်းကို ၁၁၈၂၀၀ကျပ် ရှိခဲ့ပြီး၊ ဒီဇင်ဘာလပထမပတ် နှင့် ဒုတိယပတ်တွင် မတ်ပဲ ပိဿာ၂၀ တစ်တင်းကို ၁၁၃၀၀၀ကျပ် ရှိနေသဖြင့် ဈေးနှုန်းဆက်လက်ကျဆင်းကြောင်း၊ ကုလားပဲတစ်ပြည်ကို ၇၀၀၀၊ ဘိုကိတ်တစ်ပြည်ကို ၇၂၀၀၊ စားတော်ပဲတစ်ပြည်လျှင် ၁၂၀၀ကျပ်၊ ပဲနီစေ့တစ်ပြည် ၇၅၀၀၊ ပဲဖြူလေး တစ်ပြည် ၁၀၀၀၀ ကျပ်ဖြင့် ဈေးကွက်တွင် အရောင်းအဝယ်ဖြစ်နေကြောင်း ပဲမျိုးစုံကို ရန်ကုန်ဘုရင့်နောင်မှဝယ်ယူ၍ ရောင်းချကြောင်း ပဲမျိုးစုံရောင်းဝယ်နေသော ဆိုင်ပိုင်ရှင်တစ်ဦးထံမှ သိရှိရပါသည်။
DOCA(ပဲခူး)