ပဲခူးတိုင်းဒေသကြီး၊ သာယာဝတီခရိုင်လက်ပံတန်းမြို့နယ်သည် ကျေးရွာအုပ်စုပေါင်း ၅၃ အုပ်စုရှိပြီး အများအားဖြင့် လယ်ယာစိုက်ပျိုးရေးဖြင့် အဓိကအသက်မွေးဝမ်းကျောင်း လုပ်ကိုင်ကြပါ သည်။ လက်ပံတန်းမြို့နယ်အတွင်း လယ်ယာစိုက်ပျိုးသောဧက ၁၀၁၈၃၈ ဧကရှိပြီး ယခုအောက်တို ဘာလတွင် ကျေးရွာအုပ်စုအများအပြားတွင် မိုးစပါးများ ရိတ်သိမ်းလျက်ရှိနေကြပါသည်။ လက်ပံ တန်းမြို့နယ်အတွင်း စိုက်ပျိုးထားသောစပါးမျိုးများမှာ မနောသုခ၊ ဆင်းသုခ၊ ရတနာတိုး၊ ဗျော့ထွန်း၊ ရက်(၉၀)၊ ရက်(၇၀)စပါးမျိုးများ စိုက်ပျိုးကြောင်း သိရှိရပါသည်။ တစ်ဧကကုန်ကျစရိတ် အနေဖြင့် (၆)သိန်းခန့်ကုန်ကျပြီး တစ်ဧကအထွက်နှုန်း(၆၀)တင်းခန့် ထွက်ရှိပါသည်။ ပေါင် (၅၀) စပါးတင်း (၁၀၀)လျှင် အစိုဓါတ်၂၃/၂၅%၊ဈေးနှုန်း (၁၆၀၀၀၀၀)ကျပ်ဈေးဖြင့် တစ်ဧကဝင်ငွေ (၉၆၀၀၀၀)ကျပ် ရရှိနိုင်ပါသည်။ အကျိုးအမြတ်အနေဖြင့်တစ်ဧကလျှင်(၃၆၀၀၀၀)ကျပ် ရရှိကြောင်း သတင်းရရှိပါ သည်။
DOCA(ပဲခူး)