မန္တလေးတိုင်းဒေသကြီး၊ ချမ်းအေးသာစံမြို့နယ်၊ သီရိမာလာကုန်စိမ်းဈေးသို့ နေ့စဉ် ပန်းမုံလာ၊ ဂေါ်ဖီထုပ်၊ ခါကြက်ဥ၊ အာလူး၊ ကြက်သွန်နီ၊ မုန့်ညှင်း၊ ဂေါ်ရခါးသီး၊ မုန်လာဥ၊ ပြောင်းဖူး၊ ခရမ်းချဉ်သီး၊ဘူးသီး၊ဘိုစားပဲစသည်ဖြင့် အခြေခံစားသောက်ကုန်စိမ်းများ ဝင်ရောက် လျက်ရှိပါသည်။ မန္တလေးတိုင်းဒေသကြီးအတွင်း ဒေသထွက်ကုန်စိမ်းသီနှံစိုက်ပျိုးမှု နည်းပါးသောကြောင့်အဓိကအား ဖြင့် ကုန်စိမ်းသီးနှံ များကို ရှမ်းပြည်နယ် တောင်ပိုင်းနှင့် မြောက်ပိုင်းတို့မှ ဝင်ရောက် လျက်ရှိပါသည်။
ယခုအခါတွင်လမ်းပန်းဆက်သွယ်ရေးခက်ခဲမှုများရှိသဖြင့် ရှမ်းပြည်နယ်ရှိဒေသအချို့မှဝင်ရောက် လျက်မရှိတော့ဘဲ တောင်ကြီးမြို့နှင့် အနီးတစ်ဝိုက်ရှိဒေသများနှင့်ရွာငံ၊အင်းလေး၊ပြင်ဦးလွင်တို့မှ ဝင် ရောက်လျက်ရှိကြောင်း သိရှိရသည်။ကုန်စိမ်းဝင်ရောက်မှုအနေဖြင့် ၆ဘီးကား (၂၈၀) မှ (၃၅၀)ခန့် အထိ ဝင်ရောက်လျက်ရှိပါသည်။ ပျမ်းမျှအားဖြင့် ကုန်စိမ်းများကို Canter (၆)ဘီး တစ်စီးလျှင် ၅တန်ဆံ့ဖြင့်သာ ဝင်ရောက်လျက်ရှိပြီး ခရမ်းချဉ်သီးကိုသာ Canter (၁၂)ဘီး (၁၅)တန်ဆံ့ဖြင့်သာ ဝင်ရောက်လျက်ရှိကြောင်း သိရသည်။ မန္တလေးမြို့၊သီရိမာလာကုန်စိမ်းဈေးသို့ (၁.၁၂.၂၀၂၅) မှ (၁၆.၁၂.၂၀၂၄) အထိ ၆ဘီးကား (၆၂၃)စီးခန့် (၃၁၁၅ )တန်ခန့်ဝင်ရောက်ခဲ့ကြောင်း သိရှိရသည်။
DOCA(မန္တလေး)