ပြည်ခရိုင်တွင် ပဲမျိုးစုံအရောင်းအဝယ် ဖြစ်လျက်ရှိရာ ယခုဒီဇင်ဘာလ တတိယပတ်တွင် ပဲတီစိမ်းနှင့် ဘိုကိတ်ပဲအသစ်များ ပန်းတောင်း၊ ကံမဘက်မှ ဝင်ရောက်လာပြီး ဘိုကိတ်အဝင် တစ်ရက်ကိုအိတ် (၂၀၀-၃၀၀)ခန့်အဝင်ရှိပါသည်။ ဘိုကိတ်ပဲသစ်တစ်တင်းကို ၉၀၀၀၀ကျပ် ဈေးဖြင့်ဈေးစဖွင့်ခဲ့ပါသည်။ ဘိုကိတ်ပဲသီးနှံကို မြို့တွင်းအဝယ်နှင့် ရန်ကုန်တစ်ရက်ကို အိတ်(၁၀၀-၂၀၀)ခန့်အရောင်းအဝယ်ရှိခဲ့ပါသည်။ ဒီဇင်ဘာလဒုတိယပတ်တွင် ပဲတီစိမ်းအသစ်များမှလည်း ပန်းတောင်း၊ ကံမဘက်မှ အဝင်ရှိပြီး ပဲတစ်တင်းကို ၉၇၀၀၀-၉၈၀၀၀ကျပ် ဈေးဖြင့် အရောင်းအဝယ်ဖြစ်လျက်ရှိပါသည်။ ပဲတီစိမ်းအဝင်မှာ တစ်ရက်ကို အိတ်(၅၀၀-၆၀၀)ခန့် အဝင်ရှိပြီး အရောင်းအဝယ်ဖြစ်မှုမှာ တစ်ရက်ကို အိတ်(၅၀၀-၆၀၀)ခန့် အရောင်းအဝယ်ဖြစ်လျက်ရှိပါသည်။ ပြည်ခရိုင်၊ ပြည်မြို့သည် ဒေသအချက်အချာကျသော မြို့ဖြစ်၍ ပဲအရောင်းအဝယ်ဖြစ်မှုမှာလည်း သွက်လျက်ရှိကြောင်းသိရှိရပါသည်။
DOCA(ပဲခူး)