မန္တလေးတိုင်းဒေသကြီးအတွင်း အစေ့ထုတ်ပြောင်းကို မတ္တရာမြို့နယ်၊ ပြင်ဦးလွင်မြို့နယ်၊ ငါန်းဇွန်မြို့နယ်၊ သပိတ်ကျင်းခရိုင်နှင့် မြင်းခြံခရိုင်တို့တွင် စိုက်ပျိုးပြီး မြင်းခြံမြို့နယ်တွင် အများဆုံး စိုက်ပျိုးကြသည်။ ယခင်နှစ် ၂၀၂၃-၂၀၂၄ ခုနှစ်တွင် အစေ့ထုတ်ပြောင်း(မိုး+ဆောင်း)စိုက်ပျိုးမှု အနေဖြင့် (၃၉၁၄၀)ဧက စိုက်ပျိုးခဲ့ပြီး တစ်ဧကအထွက်နှုန်း(၅၈.၃၇)တင်း ထွက်ရှိခဲ့ကြောင်း အပေါ် အစေ့ထုတ်ပြောင်း(မိုး) (၁၈၀၈၆)ဧက စိုက်ပျိုးခဲ့ရာ (၁၃၃၃၁)ဧက ရိတ်သိမ်းပြီးဖြစ်၍ စိုက်ပျိုးဆဲဖြစ်ကြောင်း သိရှိရသည်။ မန္တလေးတိုင်းဒေသကြီးတွင် ၂၀၂၄-၂၀၂၅ ခုနှစ် အစေ့ထုတ် စိုက်ပျိုးရေး ဦးစီးဌာန၏စာရင်းများအရ သိရှိရသည်။
မန္တလေးကုန်စည်ဒိုင်တွင် ဖြစ်ပေါ်လျက်ရှိသောဈေးနှုန်းပြောင်းဖူး(CP) တစ်ပိဿာလျှင် (၁၆၃၀-၁၆၄၈)ကျပ်၊ ပြောင်းဖူး(ဗမာ)တစ်ပိဿာလျှင် (၁၅၉၃)ကျပ်ခန့် ဖြစ်ပေါ် ခဲ့ပြီး ယခုအပတ်(၁၇-၁၂-၂၀၂၄)ရက်နေ့တွင် ပြောင်းဖူး(ရှမ်း)တစ်ပိဿာလျှင် (၁၅၉၃-၁၆၁၁)ကျပ်၊ ပြောင်းဖူး(CP)တစ်ပိဿာလျှင် (၁၅၇၄-၁၆၁၁)ကျပ်၊ ပြောင်းဖူး(ဗမာ)တစ်ပိဿာလျှင် (၁၅၅၆-၁၅၇၄) ကျပ်ခန့် ဖြစ်ပေါ်ခဲ့သဖြင့် ယခင်အပတ်နှင့် နှိုင်းယှဉ်ပါက ပြောင်းဈေးအနည်းငယ် ကျဆင်းခဲ့ကြောင်း သိရှိရသည်။
မန္တလေးတိုင်းဒေသကြီးသို့ ပြင်ဦးလွင်မြို့နယ်မှ(၁၆)မိုင်စစ်ဆေးရေးဂိတ်ကို ဖြတ်သန်း၍ အစေ့ထုတ်ပြောင်းများ ဝင်ရောက်လျက်ရှိရာ ဒီဇင်ဘာလ ပထမပတ်နှင့် ဒုတိယပတ်အတွင်း (၂၅၀)တန် ခန့်ဝင်ရောက်ခဲ့ပြီး မန္တလေးတိုင်းဒေသကြီး ပြောင်းလုပ်ငန်းရှင်များအနေဖြင့် ဖေဖော်ဝါရီလမှ စတင်၍ ထိုင်းနိုင်ငံသို့ တင်ပို့ရောင်းချနိုင်ရေး ကြိုးပမ်းဆောင်ရွက်လျက်ရှိကြောင်းသိရှိရသည်။
- မန္တလေး)