ပေါင်းတည်မြို့နယ်၊ စည်ပင်သာယာဈေးဖြစ်သည့် မြို့မဈေးနှင့် ရွှေတည်ဈေးသစ်အတွင်း၌ သား၊ ငါးနှင့် ကြက်ဥများနေ့စဉ်ပုံမှန်ရောင်းချလျက်ရှိကြောင်း တွေ့ရှိရပါသည်။ ဈေးအတွင်း သား/ ငါးများဖြစ်သည့် ဆိတ်သား၊ ဝက်သား၊ အမဲသားနှင့် ငါးမျိုးစုံတို့ကို ရောင်းချလျက်ရှိပါသည်။ ဆိတ်သားဈေးနှုန်းမှာ ယခင်လ၁ပိဿာလျှင်၂၅၀၀၀ကျပ်မှ ယခုလ၂၇၀၀၀ကျပ် အထိမြင့်တက်သွားသော်လည်း ပုံမှန်ရောင်းဝယ်ဖြစ်လျက်ရှိပါသည်။ ကြက်သား(cp)၁ပိဿာလျှင်၂၃၀၀၀ကျပ်၊ ဗမာကြက်၁ပိဿာလျှင် ၂၈၀၀၀ကျပ်၊ ဝက်သား၁ပိဿာ လျှင် ၃၀၀၀၀ကျပ်၊ အမဲသား၁ပိဿာလျှင် ၂၇၀၀၀ကျပ် တို့ဖြင့်အတက်အကျမရှိ ရောင်းဝယ်လျက်ရှိပါသည်။ ငါးအမျိုးအစားများဖြစ်သော ငါးကြင်းအကောင်ကြီးသား ၁ပိဿာ ၁၅၀၀၀ကျပ်၊ ငါးမြစ်ချင်း၁ပိဿာလျှင် ၈၀၀၀ကျပ်၊ ငါးခူ ၁ပိဿာ ၁၈၀၀၀ကျပ်၊ ဈေးနှုန်းဖြင့် အတက်အကျမရှိ ရောင်းဝယ်လျက်ရှိပါသည်။ ကြက်ဥဈေးနှုန်းအနေဖြင့် ယခင်လနိုဝင်ဘာလ၌ ကြက်ဥအချောတစ်လုံး၄၈၀ ကျပ်၊ အလတ်၄၅၀ကျပ်၊ သေး၄၃၀ကျပ် တို့ဖြင့်ရောင်းဝယ်ပြီး ယခုလဒီဇင်ဘာလတွင် ကြက်ဥအချောတစ်တစ်လုံး ၄၅၀ကျပ်၊ အလတ်တစ်လုံး၄၂၀ကျပ်၊ အသေးတစ်လုံး၄၀၀ကျပ် ဖြစ်သဖြင့် ကြက်ဥဈေးအနည်းငယ်ကျဆင်းသွားပြီး ပုံမှန်ရောင်းဝယ်ဖြစ်လျက်ရှိကြောင်း သိရှိရပါသည်။
DOCA(ပဲခူး)