စားသုံးသူရေးရာဦးစီးဌာန၊ စစ်ကိုင်းခရိုင်၊ ခေတ္တခရိုင်ဦးစီးမှူးနှင့် ဝန်ထမ်း(၃)ဦးတို့သည် မြို့နယ်စည်ပင် သာယာရေးအဖွဲ့မှ တာဝန်ရှိသူများနှင့်အတူ ၂၀၂၅ ခုနှစ်၊ ဇန်နဝါရီလ၈ ရက်နေ့ နံနက်( ၁၀:၃၀ ) နာရီ အချိန်တွင် စစ်ကိုင်းမြို့ပေါ်ရှိ ဘိလပ်မြေအရောင်းဆိုင်များဖြစ်သော စိတ်ကြိုက်၊ ကမ္ဘာကျော်နှင့် ကံသာဆိုင်များသို့ သွားရောက်၍ ပစ္စည်းပြတ်လပ်မှု ရှိ/မရှိ၊ မြေပြင် လက်ကျန်အခြေအနေနှင့် ဈေးနှုန်း၊ ဈေးကွက်အခြေအနေများကို ကွင်းဆင်းစိစစ်ဆောင်ရွက်ခဲ့ ကြောင်း သိရသည်။ ထိုသို့ကွင်ဆင်းစစ်ဆေးရာ ဘိလပ်မြေအရောင်း ဆိုင်များတွင် လွန်ခဲ့သော (၁၀) ရက်ခန့်က ပစ္စည်းပြတ်လပ်မှုများ ရှိခဲ့သော်လည်း ယခုအချိန်တွင် တစ်ပတ်လျှင် ဘိလပ်မြေအိတ် (၇၀၀/၇၅၀) အိတ်ဆန့် တွဲကား (၂)စီးဖြင့် ဘိလပ်မြေဆိုင်ကြီး (၅)ဆိုင်နှင့် ဆိုင်သေး (၁၀) ဆိုင်များသို့ ခွဲတမ်းဖြင့်ရောင်းချပေးနေကြောင်း၊ ဘိလပ်မြေအမျိုးအစားများမှာ Alpha ၊ ကြံ့နီ၊ အပါချီတို့ဖြစ်ပြီး တစ်အိတ်လျှင် (၁၆၀၀ဝိ/-၊ ၁၆၅၀ဝိ/-၊၁၇၀၀ဝိ/.)တို့ဖြင့် ရောင်းချပြီး ပစ္စည်းဝင်ရောက်မှုအပေါ် မူတည်၍ တစ်အိတ်လျှင် (၅၀ဝိ/- မှ ၁၀၀ဝိ/-) ဈေးနှုန်း အပြောင်းအလဲ ရှိကြောင်းသိရှိရပါသည်။
DOCA(စစ်ကိုင်း)