ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်ရှိ ရပ်ကွက်များတွင် အိမ်ဆောက်ပစ္စည်းအမျိုးမျိုးရောင်းချသည့်ဆိုင်များသို့ MPA New မှဖော်ပြခဲ့သည့် “ ရန်ကုန် ဆောက်လုပ်ရေးလုပ်ငန်း ဘိလပ်မြေဝယ်မရခြင်း ” နှင့်ရန်ကုန်တွင် နာမည်ကြီး UPG အမှတ်တံဆိပ် အိမ်သုတ်ဆေးပြတ်နေသည်ဟု သတင်းရေးသားဖော်ပြချက်နှင့်ပတ်သတ်၍ ပစ္စည်းပြတ်လပ်မှုရှိ/ မရှိ ၂၀၂၅ ခုနှစ် ဇန်နဝါရီလ (၃)ရက်နေ့၊ နံနက် (၀၉:၀၀) နာရီအချိန်တွင် စားသုံးသူရေးရာဦးစီးဌာနမှဝန်ထမ်းများ ကွင်းဆင်းစစ်ဆေးခဲ့ကြောင်း သိရသည်။
ထိုသို့ဈေးကွက်အတွင်း ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးနှင့်ဝန်ထမ်းများသည် မြို့နယ်အတွင်းရှိ အိမ်ဆောက်ပစ္စည်းအမျိုးမျိုးရောင်းချနေသော ဈေးပိုင်းရပ်ကွက် ရတနာပုံ (၁)လမ်း၊ အမှတ် (၇၂)မှ ဒေါ်ခင်မာဝေ အိမ်ဆောက်ပစ္စည်းအမျိုးမျိုး ရောင်းဝယ်ရေးနှင့် တောင်ဘက်ပိုင်းရပ်ကွက် စိတ္တသုခလမ်း၊ အမှတ် (၂၇၈၂)မှ မအေးကြည် (အုတ်သဲကျောက် ဘိလပ်မြေနှင့်အိမ်ဆောက်ပစ္စည်းအမျိုးမျိုးရောင်းဝယ်ရေး) ဆိုင်များသို့ ဘိလပ်မြေပြတ်လပ်မှုရှိ/မရှိနှင့် UPG အမှတ်တံဆိပ် အိမ်သုတ်ဆေး ပစ္စည်းများပြတ်လပ်မှုရှိ/မရှိ ကွင်းဆင်းစစ်ဆေးခဲ့ရာတွင် ဘိလပ်မြေနှင့် UPG အမှတ်တံဆိပ် အိမ်သုတ်ဆေးများ ပြတ်လပ်မှုမရှိဘဲ ပုံမှန်ရောင်းချနေကြောင်း တွေ့ခဲ့ရပြီး အဆိုပါပစ္စည်းများအား ဈေးနှုန်းမြှင့်တင်ရောင်းချခြင်းများ မပြုလုပ်ကြရန်၊ ဈေးကစားရန်ရည်ရွယ်၍ သိုလှောင်ထားခြင်းများ မပြုလုပ်ကြရန် ဆိုင်ပိုင်ရှင်များနှင့် အရောင်းဝန်ထမ်းများကို အသိပညာပေးတွေ့ဆုံ ကွင်းဆင်းစစ်ဆေးခဲ့ကြောင်း သိရှိရပါသည်။
DOCA(ရန်ကုန်)