စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ကျောက်တံခါးမြို့နယ် တာဝန်ခံနှင့် ဝန်ထမ်းများသည် (၄.၅.၂၀၂၂) ရက်နေ့၊ နံနက် (၁၀:၀၀) နာရီတွင် ကျောက်တံခါးမြို့ စည်ပင်သာယာဈေးအတွင်းရှိ ပြည်တွင်း၌ ထုတ်လုပ် ရောင်းချနေပြီး အသုံးပြုမှုအနေဖြင့်လည်း တစ်နိုင်ငံလုံး အတိုင်းအတာဖြင့် အသုံးပြုနေသည့် ကုန်စည်ဖြစ်သော ဆပ်ပြာခဲများတွင် ကပ်နှိပ်ထားသည့် ကုန်အညွှန်း အမှတ်အသားပါ အလေးချိန်ဖော်ပြချက်နှင့် အမှန်တကယ်ကိုက်ညီမှု ရှိ/မရှိကို ဈေးကွက် စောင့်ကြည့် စစ်ဆေးခဲ့ပါသည်။
ထိုသို့ကွင်းဆင်းစစ်ဆေးရာတွင် ကုန်မျိုးစုံရောင်းချနေသော စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေ အခန်း (၁၈) ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ သတ်မှတ်ချက်များနှင့်အညီ ပြည့်စုံစွာဖော်ပြထားခြင်း ရှိ/မရှိနှင့် စီးပွားရေးလုပ်ငန်းရှင်များ လိုက်နာ ရမည့် တာဝန်များ၊ ပြစ်မှု၊ ပြစ်ဒဏ်များ အကြောင်း ရှင်းလင်းဆွေးနွေးခဲ့ပြီး လုပ်ငန်းရှင်များက ပြန်လည် မေးမြန်းခဲ့သည့် အကြောင်းအရာများကိုလည်း ပြန်လည်ရှင်းလင်းဆွေးနွေးခဲ့ကြောင်း သိရှိရပါသည်။
DOCA(ပဲခူး)