ပြည်မြို့ရှိ ကွမ်းဈေးကွက်တွင် ကွမ်းရွက်ဈေးနှုန်းများ ပွင့်လင်းရာသီရောက်ရှိလာသော ကြောင့် ဈေးမြင့်တက်မှုရှိလာကြောင်း သိရှိရပါသည်။ ပြည်ဈေးကွက်တွင် ရောင်းချလျက်ရှိသော ကွမ်းရွက်များကို ပေါက်ခေါင်း၊ ပေါင်းတလည်နှင့် ခွေးရဲဘက်မှ ဝင်ရောက်လာသော ကွမ်းများကို ရောင်းချလျက်ရှိပါသည်။ ယခင်နှစ်တွင် ယာရှယ်သန့် ကွမ်း တစ်ပိဿာလျှင် (၅၀၀၀ - ၅၅၀၀)ကျပ်၊ ရိုးရိုးယာကွမ်းအသေးတစ်ပိဿာလျှင် (၂၃၀၀)ကျပ်၊ ယာကွမ်းအကြီးတစ်ပိဿာလျှင် (၂၅၀၀)ကျပ် ဈေးဖြင့် အရောင်းအဝယ်ဖြစ်ခဲ့၍ ယခုနှစ်အောက်တိုဘာ လ တတိယပတ်တွင် ယာရှယ်သန့်ကွမ်းရွက် တစ်ပိဿာလျှင် (၃၀၀၀၀)ကျပ် ဈေးဖြင့်ရောင်းချ ကြောင်းသိရပါသည်။ ကွမ်းရွက်ဈေးနှုန်းများမှာ ယခင်နှစ်ကာလတူအချိန်နှင့် နှိုင်းယှဉ်ပါက ဈေးနှုန်းမှာသိသိသာသာ မြင့်တက်လာခဲ့ပါသည်။ ထိုသို့ ကွမ်းရွက်ဈေးများ သိသိသာသာမြင့်တက်လာရခြင်းမှာ ကွမ်းရွက်များအထွက်နည်းခြင်း စားသုံးမှုများ လာခြင်းတို့ကြောင့် ဖြစ်သည်ဟု သိရပါသည်။
DOCA(ပဲခူး)