စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ်သည် လယ်ယာစိုက်ပျိုးရေးလုပ်ငန်းများကို အဓိကလုပ်ကိုင်သော ဒေသတစ်ခုဖြစ်ပြီး မိုးသီးနှံ၊ ဆောင်းသီးနှံများအပြင် သီးထပ် သီးညှပ်များလည်း စိုက်ပျိုးကြကြောင်း၊ ပြည်တွင်းစားသုံးမှုရှိသလို ပြည်ပပို့ကုန်လည်းဖြစ်သည့် ကုလားပဲသီးနှံများလည်း စိုက်ပျိုးကြောင်း သိရသည်။
ကန့်ဘလူမြို့နယ်တွင် ကုလားပဲသီးနှံကို ဒီဇင်ဘာလကုန်တွင်စတင်စိုက်ပျိုးပြီး မတ်လနှင့် ဧပြီလများတွင် ရိတ်သိမ်းရကြောင်း၊ ကုလားပဲသီးနှံမျိုးမှာ ထိုင်ဝမ်မျိုး၊ (929)မျိုးနှင့် (V2)မျိုးဟူ၍ (၃)မျိုးရှိကြောင်း၊ ဈေးနှုန်းအနေဖြင့် ဇန်နဝါရီလပထမပတ်အတွင်း ကုလားပဲထိုင်ဝမ်(၁)တင်းလျှင် ငွေကျပ်(၈၅၀၀၀)၊ ကုလားပဲ(929)(၁)တင်းလျှင်ငွေကျပ်(၈၈၀၀၀)နှင့် ကုလားပဲ(V2)(၁)တင်းလျှင် ငွေကျပ်(၉၀၀၀၀)ဖြင့် အရောင်းဝယ်ဖြစ်ခဲ့ကြောင်း၊ ယခုလဒုတိယပတ်တွင် ကုလားပဲထိုင်ဝမ်(၁) တင်းလျှင် ငွေကျပ်(၈၃၀၀၀)၊ ကုလားပဲ(929)(၁)တင်းလျှင်ငွေကျပ်(၈၇၀၀၀)နှင့် ကုလားပဲ(V2) (၁)တင်းလျှင် ငွေကျပ်(၉၀၀၀၀)ဖြင့်ရောင်းဝယ်လျက်ရှိရာ ကုလားပဲ ထိုင်ဝမ်(၁)တင်းလျှင်(၂၀၀၀) ကျပ်နှင့် ကုလားပဲ(V2)(၁)တင်းလျှင် (၁၀၀၀)ကျပ် ကျဆင်းသွားကြောင်း ဒေသတွင်းသီးနှံရောင်းဝယ်ရေးလုပ်ငန်းရှင်ထံမှ သိရှိရပါသည်။
DOCA(စစ်ကိုင်း)