ကြက်ဟင်းခါးပင် စိုက်ပျိုးခြင်းမှ နေ့စဉ်ဝင်ငွေရရှိ

Powered by Drupal

           စစ်ကိုင်းတိုင်းဒေသကြီး၊ ကလေးခရိုင်၊ လှိုင်သာယာရပ်ကွက်တွင် ကြက်ဟင်းခါးသီးပင်များအား မိုးဦးကျကာလတွင် စိုက်ပျိုးခြင်းအားဖြင့် အပိုဝင်ငွေရလျက်ရှိကြောင်း သိရသည်။

       “ဒီမှာက ကြက်ဟင်းခါးသီးပင် မိမိအိမ်နောက်ဖေး၊ ကြက်ခြံအနီးတွင်စင်ထောင်ကာစိုက်ကြတယ်။ တစ်ပတ်မှာ နှစ်​ကြိမ်လောက်အသီးဆွတ်လို့ရပါတယ်၊ တစ်ခါဆွတ်ရင် ရောင်းတန်းဝင် ကြက်ဟင်းခါးသီး ( ၅  ) ပိဿာမှ ( ၁၀ ) ပိဿာ ဝန်းကျင်ခန့်အထိရရှိပြီး အိမ်နားပတ်ဝန်းကျင်နဲ့ ကုန်စုံဆိုင်တွေကို ရောင်းပေးတယ်။ ဖောက်သည်ယူမယ်ဆို တစ်ပိဿာကို ၁၁၀၀ ကျပ်နဲ့ ရောင်းပေးတယ်။ လက်လီဈေးနှုန်းအနေဖြင့် တစ်ပိဿာလျှင် ၁၅၀၀ ကျပ်နှင့် ရောင်းရပါတယ်” လို့ ကြက်ဟင်းခါးသီး စိုက်ပျိုးရောင်းချသူ ဒေါ်သိန်းနုကပြောသည်။

         ဒေသခံများအနေဖြင့် မိမိခြံဝန်းနေရာလွတ်များတွင် အဆိုပါ ရာသီစာသီးနှံစိုက်ပျိုးခြင်းအနေဖြင့် တစ်ရာသီလျင် ( ၁၀ ) သိန်းမှ ( ၁၅ ) သိန်း ဝန်းကျင်ခန့်အထိ ဝင်ငွေရရှိပြီး မိသားစုစားဝတ်နေရေးအတွက် များစွာအထောက်အကူပြုလျက်ရှိကြောင်း၊ တိုးချဲ့စိုက်ပျိုးရန်စိတ်ဝင်စားမှု မြင့်တက်လျက်ရှိကြောင်းလည်း သိရသည်။

DOCA(စစ်ကိုင်း)