မကွေးတိုင်းဒေသကြီး၊ သရက်ခရိုင်အတွင်းရှိ ထုံးတောင်ကျေးရွာအုပ်စုနှင့် ပျဉ်ထောင်ကျေးရွာအုပ်စုတို့တွင် ကြက်သွန်နီအများဆုံး စိုက်ပျိုးလျက်ရှိကြပြီး အခြားကျေးရွာအုပ်စုများမှာ အနည်းငယ်သာစိုက်ပျိုးရောင်းချကြပါသည်။သို့ရာတွင် ယခုနှစ်ရာသီဥတုအခြေအနေမှာ ကောင်းမွန်လာပြီး ကြက်သွန်နီအရွယ်အစားလည်းလှလာသောကြောင့် ပြည်၊ မြောင်းမြနှင့် ရန်ကုန်မြို့များမှ ဝယ်လိုအားကောင်းလျှက်ရှိပါသည်။
ယခင်နှစ်ရာသီဥတုမှာတော့ အနည်းငယ်ဆိုးရွားခဲ့သောကြောင့် ယခုနှစ်လိုဈေးကောင်းမရရှိဘဲ ယခုနှစ်ကြက်သွန်နီဈေးကွက်မှာ ကြက်သွန်နီအကြီး ၁ပိဿာ (၅၀၀)ကျပ်၊ အလတ် ၁ပိဿာ (၃၀၀)ကျပ်၊ အသေး ၁ပိဿာ(၂၀၀)ကျပ် ဝန်းကျင်ခန့်ရှိနေပါသည်။ ယခင်နှစ်ကြက်သွန်နီအကြီး (ထိပ်စ)ကို ၁ပိဿာလျှင် (၂၀၀)ကျပ်သာရှိခဲ့သောကြောင့် ယခုနှစ်ကုန်သည်တွေအနေနဲ့ရော တောင်သူတွေအနေနဲ့ပါ အမြတ်အစွန်းများရကြသော်လည်း ဓါတ်မြေဩဇာဈေးနှုန်းများ မြင့်တက်နေ၍ ကြက်သွန်နီရောင်းရသော အမြတ်များမှာ ရသင့်သလောက်မရရှိကြောင်း ကြက်သွန်နီ သိုလှောင်သူ ကုန်သည်တစ်ဦးထံမှ သိရှိရပါသည်။
DOCA(မကွေး)