"ဟားခါးမြို့ပေါ်ရှိ ဧပြီလနှင့် မေလအတွင်း စက်သုံးဆီဈေးနှုန်း နှိုင်းယှဉ်ချက်"

          ချင်းပြည်နယ်သည် ဝေးလံခေါင်သီသော တောင်ပေါ်ဒေသဖြစ်ခြင်းကြောင့် ကုန်ပစ္စည်းများ သယ်ယူရေးစရိတ်မြင့်မား၍ အခြားတိုင်းဒေသကြီး/ပြည်နယ်များထက် စက်သုံးဆီဈေးနှုန်းများ ကြီးမြင့်နေသည်ကို တွေ့ရှိရပါသည်။ လက်ရှိအခြေအနေတွင် စက်သုံးဆီများကို အများသောအား ဖြင့် မန္တလေးမြို့မှ လက္ကားဈေးနှုန်းဖြင့်  ဝယ်ယူရရှိပြီး ဟားခါးမြို့အတွင်းရှိ စက်သုံးဆီ ဈေးနှုန်း မြင့်တက်/ကျဆင်းခြင်းသည် မန္တလေးမြို့၏ စက်သုံးဆီဈေးနှုန်းမြင့်တက်/ကျဆင်းခြင်းနှင့် တိုက်ရိုက်ဆက်စပ်နေပါကြောင်း စက်သုံးဆီအရောင်းဆိုင်ရှင်တစ်ဦးထံမှ စုံစမ်းသိရှိရပါသည်။

          ဟားခါးမြို့ရှိ စက်သုံးဆီဈေးကွက်အခြေအနေအား လေ့လာကြည့်ရာတွင် ၂၀၂၂ခုနှစ် အတွင်း ဖေဖော်ဝါရီလမှာ ဈေးနှုန်းတည်ငြိမ်ခဲ့သော်လည်း မတ်လမှ စ၍ စက်သုံးဆီဈေးနှုန်း မြင့်တက်လာခဲ့ပြီး ဧပြီလနှင့်မေလတွင် ဈေးနှုန်းများ ပိုမိုမြင့်လာသည်ကို တွေ့ရပါသည်။ ဧပြီလနှင့် မေလ (၁၆)ရက်နေ့အထိ စက်သုံးဆီတစ်လီတာ ဈေးနှုန်းနှိုင်းယှဉ်ချက်အရ ဓါတ်ဆီ အောက်တိန်း(95) ၁၃ ရာခိုင်းနှုန်း၊ ဓါတ်ဆီအောက်တိန်း(92) ၁၂ ရာခိုင်နှုန်း၊ ပရီမီယံ ဒီဇယ် ၁၉ ရာခိုင်နှုန်း၊ ဒီဇယ်(ရိုးရိုး) ၁၉ ရာခိုင်နှုန်း အသီးသီး ဈေးနှုန်း မြင့်တက်လာပါသည်။ ဟားခါးမြို့၏ ၂၀၂၂ ခုနှစ်၊ ဧပြီလနှင့် မေလတွင် ဖြစ်ပေါ်နေသော စက်သုံးဆီ တစ်လီတာ ဈေးနှုန်းများ နှိုင်းယှဉ်ချက်ကို အောက်ပါဇယားဖြင့် ဖော်ပြအပ်ပါသည်-

DOCA(ချင်း)