မုံရွာကုန်စည်ဒိုင်တွင် မေလ ၄ ရက်နေ့မှ ၁၅ ရက်အတွင်း ပဲမျိုးစုံဈေးကွက်တွင် ပဲတီစိမ်း ၁၉ ပိဿာ တစ်တင်းလျှင် ယခင်တစ်ပတ် ကျပ် ၄၆၅၀၀၊ ယခုတစ်ပတ် ၄၈၅၀၀၊ ကုလားပဲအနီ(၉၂၉) ၁၉ ပိဿာတစ်တင်းလျှင် ယခင်တစ်ပတ် ကျပ်၄၁၃၀၀၊ ယခုတစ်ပတ် ကျပ် ၄၂၇၀၀၊ ကုလားပဲ(ထိုင်ဝမ်) ၁၉ ပိဿာတစ်တင်းလျှင် ယခင်တစ်ပတ် ကျပ် ၄၀၀၀၀၊ ယခုတစ်ပတ် ကျပ်၄၁၃၀၀၊ ကုလားပဲအဖြူ(v7,v3) ၁၉ ပိဿာတစ်တင်းလျှင် ယခင်တစ်ပတ် ကျပ် ၄၅၀၀၀၊ ယခုတစ်ပတ် ကျပ် ၄၉၀၀၀၊ မတ်ပဲ ၂၀ ပိဿာတစ်တင်းလျှင် ယခင်တစ်ပတ် ကျပ် ၄၇၀၀၀၊ ယခုတစ်ပတ် ၄၅၅၀၀၊ ပဲပုတ်(ဗမာ) ၁၈ ပိဿာတစ်တင်းလျှင် ယခင်တစ်ပတ် ကျပ် ၄၈၃၀၀၊ ယခုတစ်ပတ် ကျပ် ၄၉၅၀၀၊ ပုဂံပဲ ၂၀ ပိဿာတစ်တင်းလျှင် ယခင်တစ်ပတ် ကျပ် ၅၉၃၀၀၊ ယခုတစ်ပတ် ကျပ် ၅၈၀၀၀၊ ထောပတ်ပဲ ၁၉ ပိဿာတစ်တင်းလျှင် ယခင်တစ်ပတ် ကျပ် ၄၃၃၀၀၊ ယခုတစ်ပတ် ကျပ် ၄၁၀၀၀၊ မြေထောက်ပဲ ၁၈ ပိဿာတစ်တင်းလျှင် ယခင်တစ်ပတ် ကျပ် ၄၈၀၀၀၊ ယခုတစ်ပတ် ကျပ် ၄၉၀၀၀၊ မြေပဲလုံးဆံနီ ၁ ပိဿာလျှင် ယခင်တစ်ပတ် ကျပ် ၃၈၅၀၊ ယခုတစ်ပတ် ကျပ် ၃၆၀၀၊ မြေပဲလုံးဆံဖြူ ၁ ပိဿာလျှင် ယခင်တစ်ပတ် ကျပ် ၃၉၀၀၊ ယခုတစ်ပတ် ကျပ် ၃၇၀၀၊ ပဲစဉ်းငုံ(နီ) ၂၀ ပိဿာတစ်တင်းလျှင် ယခင်တစ်ပတ် ကျပ် ၄၂၆၀၀၊ ယခုတစ်ပတ် ကျပ် ၄၂၁၀၀၊ ပဲနီလုံးကြား ၁၉ ပိဿာတစ်တင်းလျှင် ယခင်တစ်ပတ် ကျပ် ၅၃၃၀၀၊ ယခုတစ်ပတ် ကျပ် ၅၀၀၀၀၊ ပဲလွန်းပြာ ၁၈ ပိဿာတစ်တင်းလျှင် ယခင်တစ်ပတ် ကျပ် ၂၈၀၀၀၊ ယခုတစ်ပတ် ကျပ် ၃၀၀၀၀၊ နှမ်းညို ၁၅ ပိဿာတစ်တင်းလျှင် ယခင်တစ်ပတ် ကျပ် ၅၀၀၀၀၊ ယခုတစ်ပတ် ကျပ် ၅၂၀၀၀၊ နှမ်းနီ ၁၅ ပိဿာတစ်တင်းလျှင် ယခင်တစ်ပတ် ကျပ် ၅၅၀၀၀၊ ယခုတစ်ပတ် ကျပ် ၅၂၀၀၀၊ နှမ်းနက်(စမုန်) ၁၅ ပိဿာတစ်တင်းလျှင် ယခင်တစ်ပတ် ကျပ် ၇၁၀၀၀၊ ယခုတစ်ပတ် ကျပ် ၆၅၀၀၀၊ ပန်းနှမ်း ၁၅ ပိဿာတစ်တင်းလျှင် ယခင်တစ်ပတ် ကျပ် ၃၅၀၀၀၊ ယခုတစ်ပတ် ကျပ် ၃၃၃၀၀ ဖြစ်ခဲ့သည်။
အရောင်းအဝယ်ဖြစ်မှုအနေဖြင့် မေလ ပထမအပတ်နှင့် ဒုတိယအပတ်တွင် ကုလားပဲအဖြူ (v7,v3) အိတ်လုံးရေ ၁၀၀၀၀ တန်အားဖြင့် (၅၀၀)တန်၊ ကုလားပဲအနီ အိတ်လုံးရေ ၃၀၀၀ တန်အားဖြင့် (၁၅၀)တန်၊ ပဲတီစိမ်း(အသစ်) အိတ်လုံးရေ ၃၀၀၀ တန်အားဖြင့် (၁၅၀)တန်၊ ပဲကြီး အိတ်လုံးရေ ၅၀၀ တန်အားဖြင့် (၂၅) တန်၊ ပဲစဉ်းငုံ အိတ်လုံးရေး ၂၀၀၀ တန်အားဖြင့် (၁၀၀)တန်၊ မြေပဲ အိတ်လုံးရေ ၅၀၀၀ တန်အားဖြင့် (၂၅၀)တန်၊ ပဲယင်း အိတ်လုံးရေ ၃၀၀၀ တန်အားဖြင့် (၁၅၀)၊ မတ်ပဲ အိတ်လုံးရေ ၃၀၀၀ တန်အားဖြင့် (၁၅၀)တန်တို့ဖြစ်သည်။ ကုလားပဲအဖြူ(v7,v3) တို့ ကိုရန်ကုန် ကုန်စည်ဒိုင်သို့တင်ပို့ရပြီး ထိုမှတစ်ဆင့် ပါကစ္စတန်နိုင်ငံအပါအဝင် အခြားပြည်ပနိုင်ငံ များသို့တင်ပို့ကြောင်းနှင့် ကုလားပဲအနီကို ပြည်တွင်းမှာပဲအရောင်းအဝယ်ဖြစ်ကြောင်း၊ ပဲကြီးကိုလည်း ပြည်တွင်းရှိ ပဲကြော်ဖိုများဖြစ်သည့် ချောက်မြို့၊ ကျောက်ပန်းတောင်းမြို့၊ ဆလင်းမြို့စသည့် မြို့ကြီးများသို့တင်ပို့ကြောင်းသိရသည်။
ပဲကြီးဈေးနှုန်းအနေဖြင့် ပဲကြီးတစ်တင်းလျှင် ကျပ် ၆၅၀၀၀ သင်္ကြန်မတိုင်မီက ကျပ် ၅၇၀၀၀ သာရ၍ ကျပ် ၈၀၀၀ခန့် ဈေးမြင့်လာကြောင်း နှင့် ပဲစဉ်းငုံမှာ တောင်သူများနှင့် ကုန်သည် များ၏ လက်ဝယ်တွင်ရှိသော်လည်း အရောင်းအဝယ်မဖြစ်သဖြင့် ဈေးကျနေကြောင်း၊ မြေပဲမှာလည်း ပြည်ပတင်ပို့မှု ကန့်သတ်ထားသည့်အတွက် ယခင်လများထက်ဈေးကျနေကြောင်းနှင့် ဧပြီလနှင့် မေလ ဒုတိယအပတ်အတွင်းတွင် ပဲမာများမှာ အရောင်းအဝယ်ဖြစ်၍ ဈေးကောင်းရနေကြောင်း မုံရွာကုန်စည်ဒိုင်မှ သိရှိရပါသည်။
DOCA(မကွေး)