ရှမ်းပြည်နယ်(တောင်ပိုင်း)၊ ပင်းတယ၊ ရွာငံ၊ ကလော၊ ပင်လောင်း ဒေသစုံမှာ စိုက်ပျိုးထား သော ချင်းသီးနှံများစတင်ထွက်ပေါ်လျက်ရှိပါသည်။ စိုက်ပျိုးထုတ်လုပ်သောချင်းသီးနှံမှာ ယခင်နှစ် ကာလတိုနှင့် ဈေးနှုန်းနှိုင်းယှဉ်ပါက အနည်းငယ်လျော့နည်းနေပြီး ချင်းအညံ့တစ်ပိဿာ(၁၅၀၀-၁၆၀၀)ကျပ် ဈေးမှချင်းအခက်ကြီးတစ်ပိဿာ (၃၀၀၀-၃၅၀၀)ကျပ် ဖြင့်လက်ရှိဈေးပေါက်နေပါသည်။ ယခင်လနှင့်နှိုင်းယှဉ်ပါက ဈေးအနည်းငယ်တက်လာသော်လည်း ချင်းစတင်ပေါ်စအချိန်ဖြစ်၍ ချင်းအဝင်နည်းနေပြီး အရောင်းအဝယ်အေးနေပါသည်။ ချင်းခြောက်ဈေး ယခင်နှစ်ကာလတိုနှင့် နှိုင်းယှဉ်ပါက ဈေးနှုန်းကောင်းလျက်ရှိပြီး (ဒါလီးခြောက်)တစ်ပိဿာ(၁၆၀၀၀-၁၇၀၀၀)ကျပ်နှင့်ရိုးရိုးချင်း ခြောက်တစ်ပိဿာ (၉၀၀၀-၁၀၀၀၀)ကျပ် ပေါက်နေကြောင်း ဈေးကွက်အတွင်းမှလေ့လာ သိရှိရပါသည်။ ပြည်ပသို့ပင်လယ်ရေကြောင်းမှ တင်ပို့မှုရှိသော်လည်း ပြည်ပဝယ်လိုအားဖြင့်တက်လာမှသာ လက်ရှိပေါက်ဈေးထက် မြင့်တက်လာနိုင်မည်ဖြစ်ပါကြောင်း လေ့လာသုံးသပ်ရေးသား တင်ပြအပ်ပါသည်။
DOCA(ရှမ်း)