ပဲမြစ်ကို မြန်မာနိုင်ငံအနှံ့အပြားတွင် စိုက်ပျိုးကြပါသည်။ ပဲမြစ်သည် ပဲစောင်းလျားသီးပင်၏ အမြစ်ဖြစ်ပါသည်။ ဟင်းသီးဟင်းရွက်အတွက် စိုက်ပျိုးပါက အသီးကိုပဲစောင်းလျားသီးဟုခေါ်ပြီး အမြစ်အတွက် စိုက်ပျိုးပါက ပဲမြစ်ဟုခေါ်ကြပါသည်။ ပဲမြစ်သည် ပူအိုက်စိုစွတ်သော ရာသီဥတုကို ကြိုက်နှစ်သက်သောကြောင့် မိုးဦးရာသီတွင် စိုက်ပျိုးကြပါသည်။ ပဲမြစ်များကို စိုက်ပျိုးရာတွင် ဘောင် များပြုလုပ်၍ အစေ့ချစိုက်ပျိုးကြောင်းသိရပါသည်။ ပဲမြစ်ကိုဆောင်းရာသီစာ စားစရာအဖြစ် ပြုတ်ပြီး ဆီ၊ ဆားတို့နှင့် စားလျှင်အရသာကောင်းမွန်လှပါသည်။ ပဲမြစ်၏အရသာမှာ ချိုပြီးစိမ့်၍ စေးပိုင်သော ကြောင့် လူကြိုက်များသော အစားအစာဖြစ်ပါသည်။
ရှမ်းပြည်နယ်(တောင်ပိုင်း)၊ တောင်ကြီးမြို့ရှိ အမှတ်(၅) ဈေးတွင် ရောင်းချလျက်ရှိသော ပဲမြစ် ဈေးနှုန်းမှာ တစ်ပိဿာလျှင် (၇၀၀၀) ကျပ်နှုန်းဖြင့် ရောင်းချလျက်ရှိကြောင်း သိရပါသည်။
DOCA(ရှမ်း)