မြန်မာနိုင်ငံနေရာအနှံ့အပြားတွင် ဆီးပင်များကို တွေ့မြင်နိုင်ပါသည်။ အထူးတဖြင့် ခြောက်သွေ့သော မန္တလေး၊ မကွေးနှင့်စကိုင်းနယ်ပယ်များတွင် ဆီးပင်ပိုပေါများသည်။ ၎င်းဆီးပင်များသည် စိုက်ပျိုးရသော အပင်များမဟုတ်ဘဲ အလေ့ကျပေါက်သော အပင်များဖြစ်သည်။ ဆီးသီးသည် ရာသီစာဖြစ်၍ တစ်နှစ်ပတ်လုံး စားခွင့်မရှိပဲ နှစ်တစ်နှစ်တွင် တစ်ခါသာစားသုံးခွင့်ရှိသော သီးနှံတစ်မျိုးလည်း ဖြစ်သည်။ ဆီးသီးမှာ ဆီးချိုသီး၊ ဆီးချဉ်သီး၊ ဆီးပန်းသီး၊ စလေဆီးသီး၊ ဆီးကြက်ဥဟူ၍ အမျိုးမျိုးရှိသည်။ ဆီးသီးကို ဆီးယို၊ ဆီးမုန့်၊ ဆီးပြားနှင့် ဆီးဖျော်ရည်အဖြစ်လည်း ပြုလုပ်၍ စားသုံးနိုင်ပါသည်။ ဆီးသီးတွင် ဗီတာမင်နှင့် သတ္တုဓာတ်များစွာ ပါရှိသည့်အတွက် လူသားတို့၏ ကျန်းမာရေးကိုလည်း အကျိုးပြုစေပါသည်။
၂၀၂၅ ခုနှစ်၊ ဇန်နဝါရီလ ဆောင်းကာလတွင် ပေါ်ဦးပေါ်ဖျားသဘာဝဆီးသီးအမျိုးမျိုးကို ဘားအံမြို့ ရေပေါ်ဈေး ဈေးကွက်အတွင်းတွေ့ရသည်။ဈေးနှုန်းများမှာ စလေဆီးသီး တစ်ပြည်လျှင် (၇၀၀၀) ကျပ်နှင့် တစ်ဘူးလျှင် (၁၅၀၀) ကျပ်၊ ဆီးပန်းသီး တစ်ပြည်လျှင် (၅၀၀၀) ကျပ်နှင့် တစ်ဘူးလျှင် (၁၀၀၀) ကျပ်၊ ရိုးရိုးဆီးသီး တစ်ပြည်လျှင် (၂၅၀၀) ကျပ်နှင့်တစ်ပြည်ဘူးလျှင် (၃၀၀၊ ၅၀၀) ကျပ်တို့ဖြင့် အရောင်းအဝယ် ဖြစ်လျက်ရှိကြောင်း သိရသည်။
DOCA(ကရင်)